ករណីលួចនិងទទួលផលចោរកម្មនៅស្រុកកៀនស្វាយត្រូវបានកម្លាំងអធិការស្រុកកៀនស្វាយបង្ក្រាបបាន

នៅថ្ងៃអង្គារ ០៦កើតខែ អស្សុជ ឆ្នាំឆ្លូវ ត្រីស័ក ព.ស២៥៦៥ ត្រូវនឹងថ្ងៃទី១២ ខែតុលា ឆ្នាំ២០២១ *ស្តីពី ករណីៈលួច និង ទទួលផលចោរកម្ម *កើតហេតុ នៅថ្ងៃទី០៨ ខែ តុលា ឆ្នាំ២០២១ វេលាម៉ោង ២៣និង៣០នាទី *ចំណុចកើតហេតុៈភូមិព្រែកតានប់ ឃុំកំពង់ស្វាយ ស្រុកកៀនស្វាយ ខេត្តកណ្កាល។*ជនរងគ្រោះចំនួន០១នាក់ ១/ឈ្មោះយ៉ន រីណា ភេទ ប្រុស អាយុ ៣៦ឆ្នាំ ជនជាតិខ្មែរ មុខរបរ អាជីវករ មានទីលំនៅ ភូមិព្រែកតានប់ ឃុំកំពង់ស្វាយ ស្រុកកៀនស្វាយ ខេត្តកណ្តាល។ *ជនសង្ស័យចំនួន ០៣នាក់ ១/ឈ្មោះខន ណារ៉ុង ហៅធំ ភេទប្រុស អាយុ ២៦ឆ្នាំ ជនជាតិខ្មែរ មុខរបរ មិនពិតប្រាកដ មានទីលំនៅ ភូមិកំពង់ស្វាយ២ ឃុំកំពង់ស្វាយ ស្រុកកៀនស្វាយ ខេត្តកណ្កាល(ឃាត់ខ្លួន)។ ២/ឈ្មោះ ភី សុធា ភេទប្រុស អាយុ ១៦ឆ្នាំ ជនជាតិខ្មែរ មុខរបរ មិនពិតប្រាកដ មានទីលំនៅ ភូមិកំពង់ស្វាយ២ ឃុំកំពង់ស្វាយ ស្រុកកៀនស្វាយ ខេត្តកណ្ដាល (ឃាត់ខ្លួន)។ ៣/ឈ្មោះយាន សុផល ភេទស្រី អាយុ៣៩ឆ្នាំ ជនជាតិខ្មែរ មុខរបរ លក់ទិញអេតចាយ មានទីលំនៅភូមិព្រែកស្វាយ២ ឃុំឈើទាល ស្រុកកៀនស្វាយ ខេត្តកណ្ដាល (ឃាត់ខ្លួន)។ **សម្ភារៈបាត់បង់រួមមានៈ ១/អាគុយ៧០អំពែរ ចំនួន០៦គ្រឿង។ ២/អាគុយ៥០អំពែរ ចំនួន០១គ្រឿង។ ៣/ដែកកាំកាយអាប៊ុលចំនួន០២គ្រឿង។ ៤/ដែករ៉ូឡូអាប៊ុលចំនួន០១គ្រឿង។ ៥/ដែកជន្ទាសរថយន្ដចំនួន១៥សន្លឹក។ សភាពរឿងហេតុៈ •នៅថ្ងៃទី១១ ខែតុលា ឆ្នាំ២០២១ វេលាម៉ោង២៣ នឹង៣០នាទីជនរងគ្រោះ បានឆែកកាំមេរ៉ាសុវត្តិភាពនៅកន្លែងទុកគ្រឿងចក្ររបស់ខ្លួនក្នុងភូមិព្រែកតានប់ ឃុំកំពង់ស្វាយ ស្រុកកៀនស្វាយ ខេត្តកណ្ដាល។ ស្រាប់តែឃើញជនសង្ស័យចំនួនពីរនាក់ទីមួយឈ្មោះខន ណារុំ ហៅធំ ភេទប្រុស អាយុ២៦ឆ្នាំ ជនជាតិខ្មែរ មុខរបរ មិនពិត នឹង ទីពីរឈ្មោះភី សុធា ភេទប្រុស អាយុ១៦ឆ្នាំ ជនជាតិខ្មែរ មុខរបរ មិនពិត មានទីលំនៅភូមិកំពង់ស្វាយ២ ឃុំកំពង់ស្វាយ ស្រុកកៀនស្វាយ ខេត្តកណ្ដាល។ បានចូលមកលួចយក អាគុយរថយន្ដចំនួន ០៧គ្រឿង ៧០អំពែរចំនួន០៦គ្រឿង ៥០អំពែរចំនួន០១គ្រឿង ដែកជន្ទាសរថយន្ដចំនួន១៥សន្លឹក ដែកកាំកាយអាបុលចំនួនពីរគ្រឿង នឹង ដែករ៉ូឡូអាប៊ុលចំនួនមួយគ្រឿង ។កាលពីថ្ងៃទី០៣ ខែកញ្ញា ឆ្នាំ២០២១ វេលាម៉ោង ២២ នឹង៣០នាទីបាត់អាគុយចំនួនពីរគ្រឿង(៧០អំពែរ)។ នៅថ្ងៃទី១១ ខែកញ្ញា ឆ្នាំ២០២១ វេលាម៉ោង២០ នឹង៣០នាទីបាត់អាគុយចំនួនមួយគ្រឿង(៧០អំពែរ)។ នៅថ្ងៃ២៤ ខែកញ្ញា ឆ្នាំ២០២១ វេលាម៉ោង០២ នឹង១០នាទីទាបភ្លឺបាត់អាគុយចំនួនពីរគ្រឿង(៧០អំពែរ)។ នៅថ្ងៃទី១០ ខែតុលា ឆ្នាំ២០២១វេលាម៉ោង០០ នឹង៣០នាទីបាត់អាគុយចំនួនពីរគ្រឿង(៧០អំពែរចំនួនមួយ នឹង៥០អំពែរចំនួនមួយ)។នៅវេលាម៉ោង០៣ នឹង០០នាទីថ្ងៃ ខែ ឆ្នាំដដែរ បាត់ដែកកាំកាយអាប៊ុលចំនួនពីរគ្រឿង នឹងដែករ៉ូឡូអាប៊ុលចំនួនមួយ នឹងដែកជន្ទាសរថយន្ដចំនួន១៥សន្លឹក។ លុះថ្ងៃទី១២ ខែតុលា ឆ្នាំ២០២១ វេលាម៉ោង០៩និង ៣០នាទី បានមកដាក់ពាក្យបណ្ដឹងនៅប៉ុស្តិ៍នគរបាលរដ្ឋបាលកំពង់ស្វាយ ក្រោយពីទទួលបានពាក្យបណ្ដឹងពីជនរងគ្រោះកម្លាំងប៉ុស្ដិ៍នគរបាលរដ្ឋបាលកំពង់ស្វាយ បានសហការជាមួយកំលាំងផ្នែកនគរបាលយុតនតិធម៌ស្រុកកៀនស្វាយ ចុះស្រាវជ្រាវ នឹងបាននាំខ្លួនជនសង្ស័ឈ្មោះ ភី សុធា ភេទប្រុស អាយុ ១៦ឆ្នាំ ជនជាតិខ្មែរ មុខរបរ មិនពិតប្រាកដ មានទីលំនៅ ភូមិកំពង់ស្វាយ២ ឃុំកំពង់ស្វាយនស្រុកកៀនស្វាយ ខេត្តកណ្ដាល និងឈ្មោះខន ណារ៉ុង ហៅធំ ភេទប្រុសអាយុ២៦ឆ្នាំ ជនជាតិខ្មែរ មានទីលំនៅភូមិកំពង់ស្វាយ២ ឃុំកំពង់ស្វាយ ស្រុកកៀនស្វាយ ខេត្តកណ្ដាល។ មកសាកសួនៅប៉ុស្ដិ៍នគរបាលរដ្ឋកំពង់ស្វាយ នៅចំពោះមុខសមត្ថកិច្ចជនសង្ស័យទាំងពីរនាក់ខាងលើបានឆ្លើយសារភាពថាៈពួកខ្លួនពិតជាបានប្រព្រឹត្តលួច សម្ភារះគ្រឿងចក្ររបស់ជនរងគ្រោះឈ្មោះយ៉ន រីណា ហៅគីល ភេទប្រុស អាយុ៣៦ឆ្នាំ ជនជាតិខ្មែរ មុខរបរ អាជីករ មានទីលំនៅភូមិព្រែកតានប់ ឃុំកំពង់ស្វាយ ស្រុកកៀនស្វាយ ខេត្តកណ្ដាល ពិតប្រាកដមែន ក្រោយពីលួច បានហើយពួកខ្លួនបានយកសម្ភារះទាំងនោះទៅលក់អោយឈ្មោះយាន សុផល ភេទស្រី អាយុ៣៩ឆ្នាំ ជនជាតិខ្មែរ មុខរបរ លក់ទិញអេតចាយ មានទីលំនៅភូមិព្រែកស្វាយ២ ឃុំឈើទាល ស្រុកកៀនស្វាយ ខេត្តកណ្ដាល។ បន្ទាប់មកកំលាំងសម្ថកិច្ចផ្នែកនគរបាលយុត្តិធម៌ សហការជាមួយកំលាំងប៉ុស្តិ៍កំពង់ស្វាយបានហៅឈ្មោះយាន សុផល ភេទស្រីមកប៉ុស្តិ៍នគរបាលរដ្ឋកំពង់ស្វាយដើម្បីសួនាំនៅចំពោះមុខសមត្ថកិច្ចឈ្មោះយាន សុផល ភេទស្រីបានឆ្លើយសារភាពថាៈខ្លួនពិតជាបានទទួលទិញសម្ភារះគ្រឿងចក្រ នឹងអាគុយរថយន្ដ ដែលឈ្មោះខន ណារ៉ុង ហៅធំភេទប្រុស និងឈ្មោះភី សុធា ភេទប្រុសយកមកលក់អោយពិតប្រាកដមែន។ ចំណែកឯសម្ភាះគ្រឿងចក្រ នឹងអាគុយរថយន្ដ ដែលឈ្មោះយាន សុផល ភេទស្រី ទិញពីឈ្មោះខន ណារ៉ុង ហៅធំ ភេទប្រុស នឹង ឈ្មោះភី សុធា ភេទប្រុស គឺឈ្មោះយាន សុផល ភេទស្រី បានយកទៅលក់អោយម៉ូយអេតចាយនៅចំការដូង រាជធានីភ្នំពេញ(ឃ្លាំងទទួលទិញអេតចាយធំ)។ បន្ទាប់ពីសួនាំរួច ជនសង្ស័យទាំងបីនាក់លើបានបញ្ជូនមកកាន់អធិការដ្ឋាននគរបាលស្រុកកៀនស្វាយ ដើម្បីចាត់ការតាមនិតិវីធី ។ វ/ទោ វ៉េង កុសល

s