អភិបាលរងខេត្តកោះកុង ដឹកកិច្ចប្រជុំ ដើម្បីផ្សព្វផ្សាយអំពីតួនាទី ភារកិច្ចរបស់ក្រុមការងារគាំទ្រដល់រដ្ឋបាលស្រុកបូទុមសាគរ

កោះកុង៖ លោក សុខ សុទ្ធី អភិបាលរង នៃគណៈអភិបាលខេត្តកោះកុង និងជាប្រធានក្រុមការងារជួយគាំទ្រដល់រដ្ឋបាលស្រុកបូទុមសាគរ ថ្ងៃទី២០ ខែកក្កដា ឆ្នាំ២០២១ បានអញ្ជើញជាអធិបតីដឹកកិច្ចប្រជុំ ដើម្បីផ្សព្វផ្សាយអំពីតួនាទី ភារកិច្ចរបស់ក្រុមការងារ។

ក្រុមការងារនេះមានភារកិច្ច ដូចខាងក្រោម ៖

– ពង្រឹង និងជួយគាំទ្រដល់រដ្ឋបាលក្រុង ស្រុក ក្នុងការប្រយុទ្ធ ទប់ស្កាត់ និងគ្រប់គ្រងការឆ្លងរាលដាល នៃជំងឺកូវីដ-១៩

– រៀបចំផែនការសកម្មភាពទប់ស្កាត់ ផែនការគ្រប់គ្រងមណ្ឌលចត្តាឡីស័ក និងផែនការការផ្គត់ផ្គង់ត្រូវតាមដានជាប់ជាប្រចាំ និងត្រូវរាយការណ៍ជាបន្ទាន់នូវករណីផ្ទុះរាលដាល ករណីស្លាប់ ឬ ករណ៍ចាំបាច់នានា មកគ្រុបតេឡេក្រាមឈ្មោះ “Anti-Covide-19 Team

– ចុះពិនិត្យ និងតាមរៀនសភាពការណ៍តាមបណ្តាក្រុង ស្រុក ដើម្បីឆ្លើយតបទាន់ពេលវេលា ប្រសិនបើមានប្រជាពលរដ្ឋណាម្នាក់ មានអាការមិនប្រក្រតី ដូចជាក្តៅខ្លួនខ្លាំង ក្អក កណ្ដាស់ ហៀរសំបោរ ផ្តាសាយ ឈឺក្បាល វិលមុខ ឈឺបំពង់ក និងពិបាកដកដង្ហើមជាដើម

– សហការជាមួយគណៈកម្មការ និងក្រុមការងារដែលពាក់ព័ន្ធនឹងកិច្ចការទប់ស្កាត់ការឆ្លងរាលដាល នៃជំងឺកូវីដ-១៩

– សហការរៀបចំផែនការដើម្បីការពារ ប្រយុទ្ធ និងទប់ស្កាត់ការឆ្លងរាលដាលនៃជំងឺកូវីដ-១៩ និងជំងឺឆ្លងផ្សេងៗ ក្នុងការធានាសុខុមាលភាពជូនប្រជាពលរដ្ឋក្នុងខេត្តឱ្យមានប្រសិទ្ធភាពខ្ពស់

– ធ្វើការផ្សព្វផ្សាយអប់រំដល់ប្រជាពលរដ្ឋ ឱ្យចូលរួមអនុវត្តវិធានការទប់ស្កាត់ការឆ្លងរាលដាល នៃជំងឺកូវីដ-១៩ តាមវិធានសុខាភិបាល និងតាមការណែនាំរបស់រាជរដ្ឋាភិបាលកម្ពុជា

– ធ្វើរបាយការណ៍ជាប្រចាំថ្ងៃជូនប្រធានក្រុមការងារស្រាវជ្រាវ និងតាមដានបុគ្គលសង្ស័យថាមានផ្ទុក ជំងឺកូវីដ-១៩(Coid-19) របស់រដ្ឋបាលខេត្តកោះកុង អំពីសភាពការណ៍វិវត្តនៃជំងឺកូវីដ-១៩ និង

– អនុវត្តការងារផ្សេងទៀតតាមការចាំបាច់៕ ដោយ៖ មន្ទីរព័ត៌មានខេត្តកោះកុង សម្រួលផ្សាយដោយ៖ ធូ កុសល