សម្ដេចចៅហ្វាវាំង គង់ សំអុល អញ្ជើញនាំយកព្រះរាជអំណោយដ៍ថ្លៃថ្លា ចែកជូន​ប្រជាពលរដ្ឋក្រីក្រជនពិការ​ចំនួនជិត៥០០នាក់ ដែលទទួលរងផលប៉ះពាល់​ដោយជំងឺកូវីដ-១៩ នៅរាជធានីភ្នំពេញ

AKP ភ្នំពេញ ថ្ងៃទី១៥ ខែកក្កដា ឆ្នាំ២០២១–

ព្រះករុណា ព្រះបាទសម្ដេចព្រះបរមនាថ នរោត្តម សីហមុនី ព្រះមហាក្សត្រនៃព្រះរាជាណាចក្រកម្ពុជា និង សម្តេចព្រះមហាក្សត្រី ព្រះវររាជមាតាជាតិខ្មែរជាទីសក្ការៈដ៏ខ្ពង់ខ្ពស់បំផុត សព្វព្រះរាជហឫទ័យ ប្រោសព្រះរាជទានព្រះរាជអំណោយដ៍ថ្លៃថ្លា ជាគ្រឿងឧបភោគបរិភោគ សម្លៀកបំពាក់ និងថវិកាមួយចំនួន តាមរយៈសម្ដេចចៅហ្វាវាំងវរវៀងជ័យអធិបតីស្រឹង្គារ គង់ សំអុល ឧបនាយកនាយករដ្ឋមន្ត្រី និងជារដ្ឋមន្ដ្រីក្រសួងព្រះបរមរាជវាំង ដើម្បីចែកជូនប្រជាពលរដ្ឋក្រីក្រ ជនពិការ​ ចំនួនជិត ៥០០នាក់ ដែលទទួលរងផលប៉ះពាល់ដោយជំងឺកូវីដ-១៩ ក្នុងព្រឹត្តិការណ៍សហគមន៍២០កុម្ភៈ ដោយមានការអញ្ជើញចូលរួមពី ឯកឧត្តម ឃួង ស្រេង អភិបាល នៃគណៈអភិបាលរាជធានីភ្នំពេញ នាព្រឹកថ្ងៃទី១៥ ខែកក្កដា ឆ្នាំ២០២១ នៅបរិវេណអនុវិទ្យាល័យចតុមុខ រាជធានីភ្នំពេញ។

រូបថត៖ អុក សុខខឿន