ប្រទេសថៃ នឹងបន្តកិច្ចពិភាក្សាអំពីកិច្ចព្រមព្រៀងពាណិជ្ជកម្មសេរីជាមួយសហភាពអឺរ៉ុប
ប្រទេសថៃបានកំណត់គោលដៅដើម្បីសម្រេចបាននូវឯកសារយោគយល់គ្នាមួយដែលត្រួសត្រាយផ្លូវដើម្បីចាប់ផ្តើមកិច្ចចរចាសម្រាប់កិច្ចព្រមព្រៀងពាណិជ្ជកម្មសេរី (FTA) ដែលរង់ចាំជាយូរមកហើយជាមួយសហភាពអឺរ៉ុប (EU) នៅក្នុងឆ្នាំនេះ។
យោងតាមរដ្ឋមន្ត្រីក្រសួងពាណិជ្ជកម្មថៃ លោក Jurin Laksanawisit ដែលបានជួបជាមួយឯកអគ្គរដ្ឋទូតសហភាពអឺរ៉ុបប្រចាំប្រទេសថៃ លោក Pirkka Tapiola កាលពីថ្ងៃទី ១៤ ខែមិថុនា បានឱ្យដឹងថា ឯកសារនៃការយោគយល់គ្នានឹងត្រូវប្រើប្រាស់ជាក្របខ័ណ្ឌសម្រាប់កិច្ចចរចា FTA ដោយរដ្ឋាភិបាលទាំងពីរដែលរំពឹងថានឹងចាប់ផ្តើមនៅឆ្នាំក្រោយ។
លោក Jurin បាននិយាយថា រដ្ឋាភិបាល និងក្រសួងពាណិជ្ជកម្មមានភាពម៉ឺងម៉ាត់ក្នុងការបន្តកិច្ចចរចា FTA ជាមួយ EU ខណៈដែល EU សង្ឃឹមថា ប្រទេសថៃនឹងក្លាយជាប្រទេសអាស៊ានទី ៣ ដែលបានចុះហត្ថលេខាលើកិច្ចព្រមព្រៀងនេះបន្ទាប់ពីប្រទេសវៀតណាម និងសិង្ហបុរី។ លោក Jurin បាននិយាយបន្ថែមថា នៅពេលដែលកិច្ចព្រមព្រៀងនេះចូលជាធរមាន ប្រទេសថៃត្រូវបានរំពឹងទុកថានឹងមានភាពរីករាយទៅនឹងការពង្រីកពាណិជ្ជកម្ម និងការវិនិយោគ ពីព្រោះសហភាពអឺរ៉ុបគឺជាដៃគូពាណិជ្ជកម្មធំលំដាប់ទី ៥ របស់ប្រទេសថៃបន្ទាប់ពីអាស៊ាន ចិន ជប៉ុន និងសហរដ្ឋអាមេរិក។
កិច្ចចរចា FTA ត្រូវបានអនុវត្តបន្ទាប់ពីរដ្ឋប្រហារឆ្នាំ ២០១៤ នៅក្នុងប្រទេសថៃ។
នៅក្នុងឆ្នាំ ២០២០ ពាណិជ្ជកម្មទ្វេភាគីមានចំនួនសរុប ៣៣,១ប៊ីលានដុល្លារអាម៉េរិក ដែលតំណាងឱ្យ ៧,៥៦ភាគរយនៃពាណិជ្ជកម្មរបស់ថៃជាមួយពិភពលោក។ ការនាំចេញរបស់ប្រទេសថៃទៅកាន់សហភាពអឺរ៉ុបមានចំនួន ១៧,៦ប៊ីលានដុល្លារអាម៉េរិក៕ (ប្រភព VNA បកប្រែដោយលោក យា ចិន្តាខន្តី) សម្រួលផ្សាយដោយ៖ ធូ កុសល
