មន្ទីរពិសោធន៍វូហានធ្វើការស្រាវជ្រាវយោធាសម្ងាត់
អតីតរដ្ឋមន្ត្រីការបរទេសសហរដ្ឋអាមេរិក លោក Mike Pompeo បានអះអាងថា មន្ទីរពិសោធន៍វីរុសសាស្ត្រវូហានដែលជាចំណុចកណ្តាលនៃការចោទប្រកាន់ទាក់ទងនឹងជំងឺកូវីដ-១៩ បានធ្វើកម្មវិធីយោធាសម្ងាត់មួយ។
ប្រធានគោលនយោបាយការបរទេសរបស់លោក ដូណាល់ ត្រាំ បាននិយាយកាលពីថ្ងៃសៅរ៍ថា វិទ្យាស្ថានវីរុសសាស្ត្រវូហាន់កំពុងអនុវត្តគម្រោងនានាសម្រាប់កងកម្លាំងប្រដាប់អាវុធចិន – ហើយបានលាក់បាំងកម្មវិធីនោះចំពោះបេសកកម្មរបស់អង្គការសុខភាពពិភពលោកដែលបានធ្វើទស្សនកិច្ចនៅទីក្រុងនោះកាលពីដើមឆ្នាំនេះដើម្បីកំណត់ពីប្រភពដើមនៃជំងឺរាតត្បាត។
លោក Pompeo បានប្រាប់សារព័ត៌មាន Fox News ថា «អ្វីដែលខ្ញុំអាចនិយាយបានច្បាស់លាស់នោះ គឺយើងដឹងថាពួកគេបានចូលរួមក្នុងកិច្ចខិតខំប្រឹងប្រែងភ្ជាប់ទៅនឹងកងទ័ពរំដោះប្រជាជននៅខាងក្នុងមន្ទីរពិសោធន៍ ដូច្នេះសកម្មភាពយោធាកំពុងត្រូវបានអនុវត្តជាមួយអ្វីដែលពួកគេអះអាងថាគ្រាន់តែជាការស្រាវជ្រាវស៊ីវិលចាស់ប៉ុណ្ណោះនោះ»។
លោកបានចោទប្រកាន់ថា «ពួកគេបដិសេធមិនប្រាប់យើងថាវាជាអ្វីទេ ពួកគេបដិសេធមិនប្រាប់អំពីលក្ខណៈរបស់វា ហើយពួកគេបដិសេធមិនអនុញ្ញាតឱ្យផ្តល់ព័ត៌មាននេះដល់អង្គការសុខភាពពិភពលោកនៅពេលដែលក្រុមការងាររបស់អង្គការនេះបានទៅកាន់ទីនោះ»។
កាលពីព្រឹកថ្ងៃសៅរ៍ សារព័ត៌មាន MailOnline របស់ចក្រភពអង់គ្លេសបានរាយការណ៍លម្អិតអំពីវិទ្យាសាស្ត្រថ្មីមួយដែលអ្នកនិពន្ធអះអាងថា វីរុសសម្លាប់មនុស្សបានបង្ហាញសញ្ញាច្បាស់នៃ «ឧបាយកល» ទាក់ទងនឹងហ្សែន – រួមទាំងការប៉ុនប៉ងបង្វែរវិស្វករទៅធ្វើឱ្យវាមើលទៅដូចជាការផ្លាស់ប្តូរដែលកើតឡើងដោយធម្មជាតិ។
កាលពីសប្តាហ៍មុន ប្រធានាធិបតីសហរដ្ឋអាមេរិក លោក ចូ បៃដិន បានបញ្ជាឱ្យមានការស៊ើបអង្កេតដើម្បីអះអាងថា វីរុសនេះបានរួចចេញពីវិទ្យាស្ថានមន្ទីរពិសោធន៍វូហាន ជាជាងទ្រឹស្តីដែលត្រូវបានទទួលយកជាទូទៅថាវាមានដើមកំណើតពីសត្វព្រៃ ដូចជាសត្វប្រចៀវ និងសត្វពង្រូល ដែលត្រូវបានលក់ជាអាហារធ្វើម្ហូបនៅតាមទីផ្សារនានានៅក្នុងទីក្រុងវូហាន។
លោក Amanda Schoch ជំនួយការប្រធានផ្នែកស៊ើបការណ៍សម្ងាត់ជាតិសម្រាប់យុទ្ធសាស្ត្រទំនាក់ទំនងបាននិយាយនៅក្នុងសេចក្តីថ្លែងការណ៍មួយថា «សហគមន៍ស៊ើបការណ៍សម្ងាត់សហរដ្ឋអាមេរិកមិនដឹងច្បាស់អំពីកន្លែងដែលវីរុសជំងឺកូវីដ-១៩ បានឆ្លងពីដំបូងនោះទេ ប៉ុន្តែបានរួមបញ្ចូលគ្នាប្រហែលជាពីរករណី ដែលវាកើតឡើងពីការប៉ះពាល់របស់មនុស្សជាមួយសត្វដែលឆ្លងវា ឬជាគ្រោះថ្នាក់មន្ទីរពិសោធន៍»៕ (ប្រភព Sputnik បកប្រែដោយលោក យា ចិន្តាខន្តី) សម្រួលផ្សាយដោយ៖ ធូ កុសល
