សម្តេចតេជោ ហ៊ុន សែន ៖ «សម្ដេចពិជ័យសេនា ទៀ បាញ់ ឯកឧត្តម ឥត សារ៉ាត់ អ្នកដឹកនាំប្រតិបត្តិការចាក់វ៉ាក់សាំងនៅក្នុងតំបន់ក្រហម ត្រូវបន្តកិច្ចការងារនៅក្នុងតំបន់នេះឲ្យចប់ចុងចប់ដើម ហើយត្រូវយកចិត្តទុកដាក់ខ្ពស់ទៅលើមនុស្សទាំងអស់ ដែលស្ថិតនៅទីនោះ ជាពិសេសត្រូវសម្លឹង ទៅលើជនពិការ និងជនចាស់ជរា ដែលគប្បីទទួលបានការអនុគ្រោះ ដោយអនុញ្ញាតឲ្យចូលចាក់មុនគេ ក្នុងករណីដែលមានការចាំបាច់ អ្នកដែលមានវ័យចំណាស់ ឬជនពិការ ដែលមិនអាចចូលបាន យើងអាចឆ្លៀតដើម្បីចាក់ជូនពួកគាត់ នៅទីកន្លែងរបស់គាត់ ហើយក៏កុំភ្លេចចំពោះព្រះសង្ឃនៅតាមវត្តអារាម ដោយសុំឲ្យនិមន្តព្រះសង្ឃមកចាក់ផងដែរ»។