វល្លិតកូដកម្ពុជាដាក់បន្ថែមជម្រើសទូទាត់សាច់ប្រាក់ឌីជីថលថ្មីមួយទៀត

វល្លិតកូដកម្ពុជាដាក់បន្ថែមជម្រើសទូទាត់សាច់ប្រាក់ឌីជីថលថ្មីមួយទៀត

ភ្នំពេញ – វល្លិតកូដកម្ពុជា “Wallet Codes Cambodia” ជាប្រព័ន្ធសេវាកម្មបញ្ជាទិញអនឡាញ របស់ក្រុមហ៊ុនហ្វរ៉េសអ៊ីនធឺអ៊ែកទីវ ដែលបានសហការជាមួយក្រុមហ៊ុន ផេហ្គោ “PayGo” ដើម្បីអនុញ្ញាតិឱ្យអតិថិជនអាចធ្វើការបញ្ជាទិញផលិតផល ឬ វ៉ចឆើ ឌីជីថលរបស់ខ្លួនបានយ៉ាងងាយស្រួលនិងប្រកបដោយសុវត្ថិភាពខ្ពស់។

ភាពជាដៃគូរបស់ ផេហ្គោ ជាមួយ វល្លិតកូដកម្ពុជា នឹងបើកទ្វារសម្រាប់ប្រជាជនកម្ពុជា ជាពិសេសអ្នកលេងហ្គេមលើទូរស័ព្ទចល័តអាចទិញផលិតផលឌីជីថលរបស់ខ្លួនក៏ដូចជារីករាយនឹងសេវាកម្ម ឬ មាតិកាល្អៗ ពីទូរស័ព្ទស្មាតហ្វូន ឬ ឧបករណ៍ផ្សេងទៀតរបស់ពួកគេដោយផ្ទាល់។

“ខ្ញុំមានអារម្មណ៍រំភើបយ៉ាងខ្លាំងដែលបានដាក់ចេញនូវប្រព័ន្ធបង់ប្រាក់ឌីជីថល ផេហ្គោ PayGo ថ្មី ដែលនឹងអនុញ្ញាតឱ្យអ្នកប្រើប្រាស់អាចបញ្ជាទិញសេវាកម្ម ឬ មាតិកាល្អៗដែលមាននៅលើវល្លិតកូដកម្ពុជា ដោយមិនមានការរំខាន និងភាពស្មុគស្មាញឡើយ នេះបើតាមការលើកឡើងរបស់លោក តូ សុខណាង ជាប្រធានគ្រប់គ្រងប្រចាំប្រទេសកម្ពុជា” ។

” ក្រៅពីប្រទេសកម្ពុជា វល្លិតកូដ ក៌បានសហការជាមួយនឹងក្រុមហ៊ុនទូរស័ព្ទចល័តនាំមុខគេជាង ១០ ក្រុមហ៊ុន ក្នុងប្រទេសចំនួនបួន នៅតំបន់អាស៊ី ដើម្បីបង្កើន ឬ ពង្រីកបន្ថែមនូវការដាក់ហិរញ្ញវត្ថុឌីជីថលរបស់យើងក្នុងន័យធ្វើឱ្យប្រសើរឡើងនូវសេវាកម្មបំរើអតិថិជន អោយមានភាពងាយស្រួល ឆាប់រហ័ស និងសុវត្ថិភាពជូនដល់អតិថិជនក្នុងការបញ្ជាទិញ ហ្គេមវ៉ចឆើ ឬ បណ្ណឌីជីថលផ្សេងៗ ដោយគ្រាន់តែប្រើចុងម្រាមដៃរបស់ពួកគេ ” ជាការបញ្ជាក់បន្ថែមពីលោក តូ សុខណាង ។

ជាផលិតផលកម្មសិទ្ធិផ្ទាល់របស់ក្រុមហ៊ុន ហ្វរ៉េស អ៊ីនធឺអ៊ែកទីវ វល្លិតកូដកម្ពុជា ផ្តល់ជូននូវជំរើសដ៏សំបូរបែបរួមមានបណ្ណទូទាត់ហ្គេមកំសាន្តសំរាប់ កីឡាអេឡិចត្រូនិច (eSport) បណ្ណឌីជីថល (Digital gift card) ​ជាច្រើនទៀតយ៉ាងទូលំទូលាយ ដែលសហការផ្គត់ផ្គង់ដោយ ក្រុមហ៊ុនមាតិកា និង ក្រុមហ៊ុនបោះពុម្ភផ្សាយល្បីៗផ្សេងទៀតមានដូចជា Mobile Legends, Garena Shells, STEAM Wallet, PUBG Mobile, PSN, Nintendo, Xbox, iTunes, Google Play, Netflix, Amazon, Spotify និងបណ្ណឌីជីថល ផ្សេងៗជាច្រើនទៀត ។ លើសពីនេះទៅទៀតដើម្បីចូលរួមអបអរក្នុងឱកាសបើកដំណើរការជាមួយ ផេហ្គោ (PayGo) វល្លិតកូដកម្ពុជា ក៍មានផ្តល់រង្វាន់ជាច្រើនដល់អតិថិជនផងដែរដូចជា កៅអីហ្គេមចំនួន២រង្វាន់និងកាសលេងហ្កេមចំនួន១រង្វាន់ ។ កុំភ្លេចរីករាយសប្បាយ និងការលេងកំសាន្ត ជាមួយមាតិកា និងហ្គេមវ៉ចឆើ ជាច្រើនទៀតដែលផ្តល់ជូនដោយ វល្លិតកូដកម្ពុជា។

វល្លិតកូដនឹងដាក់ការទូទាត់ជាមួយ ផេហ្គោ ជាផ្លូវការនៅថ្ងៃច័ន្ទទី៣ ខែឧសភា ឆ្នាំ២០២១។ ដើម្បីស្វែងយល់បន្ថែមអំពីផលិតផលរបស់វល្លិតកូដកម្ពុជា ឬ កម្មវិធីប្រម៉ូសិនផ្សេងៗទៀតសូមចូលទៅកាន់គេហទំព័រ  https://kh.wallet-codes.com/ ។