បទពិសោធន៍ដ៏អស្ចារ្យជាមួយផ្នែកសេវាកម្មថែទាំរថយន្តនិងជួសជុលនៃ Land Rover Cambodia

[ថ្ងៃព្រហស្បតិ៍ ទី១៣ ខែមីនា ឆ្នាំ២០២៥] ក្រុមហ៊ុន RMA Cambodia ជាតំណាងចែកចាយផ្តាច់មុខរបស់រថយន្ត និងគ្រឿងបន្លាស់ Jaguar Land Rover បានរៀបចំកម្មវិធីដ៏ពិសេសមួយសម្រាប់អតិថិជនរបស់ខ្លួនទាក់ទងអំពីបច្ចេកទេសជួសជុលរថយន្តដែលស្របតាមស្តង់ដាពីរោងចក្រមកពីចក្រភពអង់គ្លេស។  

នៅក្នុងកម្មវិធីនេះផងដែរ ក៏មានការចូលរួមពីលោក ងន សាំង អគ្គនាយកនៃក្រុមហ៊ុន អ អិម អេ ខេមបូឌា និងភ្ញៀវកិត្តិយសទាំងអស់ អញ្ជើញចូលរួមពិសារភោជនាហារដ៏ឈ្ងុយឆ្ងាញ់បែប Fine Dining ដែលរៀបចំឡើងដោយចុងភៅដ៏ចំណាន ក្នុងគោលបំណងដើម្បីធ្វើការផ្តល់បទពិសោធន៍ដ៏អស្ចារ្យ។ ការចូលទៅទស្សនាដោយផ្ទាល់នៅក្នុង មជ្ឈមណ្ឌលជួសជុលនិងថែទាំរថយន្ត (Authorized Service Center)។ ការបង្ហាញនូវបច្ចេកវិទ្យាទំនើបចុងក្រោយដូចជាសោរពិសេស (Special Approved Tools) , ឧបករណ៍សម្រាប់ស្វែងរកបញ្ហានៅលើរថយន្ត (Diagnostic Approved Tools) និងវិធីបង្ការការពាររថយន្តពីការឆាបឆេះនៅតាមដងផ្លូវដែលបានណែនាំពីអ្នកឯកទេសជំនាញដោយផ្ទាល់។  សូមបញ្ជាក់ផងដែរថា Land Rover Cambodia ទទួលបានវិញ្ញាបនបត្រដែលទទួលស្គាល់ដោយផ្ទាល់ពីរោងចក្រ​ Jaguar Land Rover នៅចក្រភពអង់គ្លេសដំបូងគេក្នុងប្រទេសកម្ពុជាទៅលើការជួសជុល និងតំហែទាំលើរថយន្តប្រភេទ EV (Electric Vehicle) , PHEV (Plug in hybrid electric vehicle) , BEV (Battery Electric Vehicle)។  សម្រួលផ្សាយដោយ  ទៀង  បុណ្ណរី