រដ្ឋបាលខេត្តកំពង់ស្ពឺ បង្ហាញអត្តសញ្ញាណអ្នកជំងឺកូវីដ១៩ ចំនួន៤នាក់ និងអំពាវនាវអ្នកពាក់ព័ន្ធប្រញាប់ទៅយកសំណាក

TNM(កំពង់ស្ពឺ)៖ រដ្ឋបាលខេត្តកំពង់ស្ពឺ នៅថ្ងៃទី១៩ ខែមេសា ឆ្នាំ២០២១នេះ បានបង្ហាញអត្តសញ្ញាណអ្នកជំងឺកូវីដ-១៩ ចំនួន៤នាក់ និងអំពាវនាវដល់អ្នកដែលបានប្រាស្រ័យទាក់ទងជាមួយអ្នកជំងឺទាំង៤នាក់នេះ ត្រូវរាយការណ៍ជូនអាជ្ញាធរមូលដ្ឋានជាបន្ទាន់ និងរួសរានទៅយកសំណាកនៅមន្ទីរបង្អែកខេត្ត ព្រមទាំងដាក់ខ្លួនឱ្យនៅដាច់ដោយឡែករយៈពេល១៤ថ្ងៃ។

បើតាមសេចក្តីជូនដំណឹងរបស់រដ្ឋបាលខេត្តកំពង់ស្ពឺ ដែលអង្គភាពព័ត៌មាន TNM News បានឱ្យដឹងថា អ្នកជំងឺកូវីដ-១៩ ទាំង៤នាក់ខាងលើរួមមាន៖

ទី១៖ ឈ្មោះ ជា ឃឿន ភេទស្រី អាយុ៤៥ឆ្នាំ ជាកម្មការិនី រោងចក្រសាប្រ៊ឺណា នៅភូមិត្រពាំងវែង ឃុំត្រពាំងគង ស្រុងសំរោង

ទី២៖ ឈ្មោះ ណែត ស្រីល័ក្ខ ភេទស្រី អាយុ២៧ឆ្នាំ នៅផ្ទះ រស់នៅភូមិត្រពាំងវែង ឃុំត្រពាំងគង ស្រុងសំរោង

ទី៣៖ ឈ្មោះ រ័ត្ន លីម ភេទស្រី អាយុ៥៤ឆ្នាំ នៅផ្ទះ រសនៅភូមិត្រពាំងវែង ឃុំត្រពាំងគង ស្រុងសំរោង

និងទី៤៖ ឈ្មោះ អាង អ៉ីនឈ័រ ភេទស្រី អាយុ២ឆ្នាំ នៅផ្ទះ រស់នៅភូមិត្រពាំងវែង ឃុំត្រពាំងគង ស្រុងសំរោង។

ក្នុងករណីបងប្អូនមានបញ្ហាសុខភាព ឬរោគសញ្ញាសង្ស័យផ្សេងៗ សូមមេត្តាទៅពិនិត្យសុខភាពនៅមន្ទីរពេទ្យបង្អែកខេត្ត ឬមណ្ឌលសុខភាពដែលនៅជិតគេហដ្ឋាន និងរាយការណ៍ទៅអាជ្ញាធរមូលដ្ឋានជាបន្ទាន់ ឬទំនាក់ទំនងតាមរយៈលេខទូរស័ព្ទលេខ៖ ០១២ ៩៨៥ ៦៨៩/ ០៨៨ ៥៩៨ ៤៤ ៩៦។

ទន្ទឹមនឹងនេះ រដ្ឋបាលខេត្ត បានក្រើនរំឮកដល់ប្រជាពលរដ្ឋត្រូវអនុវត្តឱ្យបានខ្ជាប់ខ្ជួនតាមការណែនាំរបស់ក្រសួងសុខាភិបាល និងវិធានការ «៣កុំ និង៣ការពារ» របស់សម្តេចតេជោ ហ៊ុន សែន នាយករដ្ឋមន្ត្រីនៃកម្ពុជា៕