ប្រជាជនម៉ាឡេស៊ីជិត៣ម៉ឺននាក់ ត្រូវបានជម្លៀសទៅទីទួលសុវត្ថិភាព ក្រោយទឹកជំនន់វាយប្រហារ
រដ្ឋចូហូ និងសាបាស់ បានក្លាយជារដ្ឋចុងក្រោយបង្អស់ក្នុងប្រទេសម៉ាឡេស៊ី ដែលរងគ្រោះដោយទឹកជំនន់ ខណៈចំនួនអ្នកជម្លៀសខ្លួនបានកើនឡើងដល់២៨៣១០នាក់ នេះបើគិតត្រឹមថ្ងៃពុធទី២៧ ខែធ្នូនេះ…។ យោងតាមទីភ្នាក់ងារគ្រប់គ្រងគ្រោះមហន្តរាយជាតិម៉ាឡេស៊ី (NADMA) បានឱ្យដឹងថា រដ្ឋកាឡានតាន់ នៅតែជារដ្ឋដែលមានចំនួនអ្នកជម្លៀសច្រើនជាងគេ គឺ១៧៤៦៦នាក់ ក្នុងមណ្ឌលសង្គ្រោះចំនួន៨៩កន្លែង។ នេះគឺជាការកើនឡើងយ៉ាងគំហុក បើប្រៀបធៀបទៅនឹងជនរងគ្រោះចំនួន១៥១៤៥នាក់ នៅម៉ោង៤រសៀលថ្ងៃមុននៅក្នុងមណ្ឌលសង្គ្រោះចំនួន៩២។ ថ្លែងនៅទីក្រុងតេរេងហ្កានូ ចំនួនជនរងគ្រោះបានថយចុះបន្តិចមកនៅត្រឹម១០១០៣នាក់ក្នុង១១៣មណ្ឌល បើធៀបនឹងជនភៀសខ្លួន១០១៩៩នាក់ ដែលស្នាក់នៅក្នុងមជ្ឈមណ្ឌលចំនួន១២៥ កាលពីល្ងាចថ្ងៃអង្គារ។ រដ្ឋប៉ាហាំង (Pahang) ក៏បានឃើញការធ្លាក់ចុះនៃចំនួនអ្នកជម្លៀសដោយគ្រោះទឹកជំនន់ដែលមានមនុស្ស៤៨៥នាក់នៅតែជ្រកក្នុងមណ្ឌលចំនួន៩កន្លែង បើធៀបនឹង៥៩០នាក់ក្នុងមណ្ឌលចំនួន១៣ កាលពីថ្ងៃមុន។ ចំណែកឯនៅរដ្ឋសាបាស់ មានជនរងគ្រោះ១៦៩នាក់ត្រូវបានដាក់នៅក្នុងមជ្ឈមណ្ឌលសង្គ្រោះចំនួន៣កន្លែង ខណៈនៅរដ្ឋចូហូ អ្នកជម្លៀសចំនួន៨៣នាក់ត្រូវបានដាក់នៅក្នុងមជ្ឈមណ្ឌលសង្គ្រោះមួយ។ ជាចុងក្រោយ យោងតាមទីភ្នាក់ងារគ្រប់គ្រងគ្រោះមហន្តរាយក៏បានរាយការណ៍ថា ក្នុងចំណោមមជ្ឈមណ្ឌលសង្គ្រោះទាំងប្រាំបួននៅតែបើកនៅក្នុងរដ្ឋប៉េណាង ខណៈភ្លៀងត្រូវបានគេរំពឹងថា នឹងបន្តធ្លាក់ស្រោចនៅទូទាំងរដ្ឋរដ្ឋថារាំងហ្កានូ, រដ្ឋប៉ាហាំង និងរដ្ឋចូហូ៕ សម្រួលដោយ ទៀង បុណ្ណរី
