សហរដ្ឋអាមេរិកបន្តរកឃើញអ្នកឆ្លងកូវីដ-១៩ថ្មី ចំនួន៧.៨ម៉ឺននាក់ទៀតក្នុង១ថ្ងៃ

TNM(វ៉ាស៊ីនតោន) ៖ តាមការដកស្រង់ទិន្នន័យ ចេញពីគេហទំព័រ Worldometers នាព្រឹកថ្ងៃព្រហស្បតិ៍ ទី១៥ ខែមេសា ឆ្នាំ២០២១នេះ បង្ហាញថា នៅក្នុងរយៈពេល ២៤ម៉ោងកន្លងទៅនេះ មនុស្សសរុប ៧៨,៤៣៩នាក់ទៀតបានឆ្លងជំងឺ COVID-19 ខណៈអ្នកជំងឺ ៩១៥នាក់បានស្លាប់នៅក្នុងរយៈពេលដូចគ្នា នៅទូទាំងសហរដ្ឋអាមេរិក។

ក្រោយការបូកសរុបទិន្នន័យបន្ថែមខាងលើនេះ នាំឲ្យចំនួនករណីឆ្លង COVID-19 សរុបនៅទូទាំងសហរដ្ឋអាមេរិកកើនឡើងដល់ ៣២,១៤៩,២២៣ករណី ក្នុងនោះមានអ្នកស្លាប់សរុបចំនួន ៥៧៨,០៩២នាក់ និងជាសះស្បើយឡើងសរុប ២៤,៦៩៦,១៦១នាក់។

បើតាមមជ្ឈមណ្ឌលបង្ការ និងទប់ស្កាត់ជំងឺនៅសហរដ្ឋអាមេរិក (CDC) បានប្រកាសនៅក្នុងសប្តាហ៍នេះថា ចំនួនករណីឆ្លងប្រចាំថ្ងៃ ហាក់បង្ហាញសញ្ញាកើនឡើងវិញ នៅក្នុងរយៈពេលប៉ុន្មានសប្តាហ៍ចុងក្រោយនេះ ដែលភាគច្រើនត្រូវបានគេមើលឃើញថា កំពុងកើតទៅលើអ្នកដែលមិនទាន់បាន ចាក់វ៉ាកសាំងបង្ការ COVID-19៕