សេចក្ដីជូនដំណឹងភ្ញៀវទេសចរជាតិ និងអន្តរជាតិ ផ្អាកចូលទស្សនាប្រាសាទអង្គរវត្តតាមច្រកខាងលិច(ស្ពានបណ្ដែតទឹក)
ខេត្តសៀមរាប ៖ អាជ្ញាធរជាតិអប្សរា កាលពីល្ងាចថ្ងៃទី២៧ តុលា ២០២៣ បានចេញសេចក្តីជូនដំណឹងដល់ភ្ញៀវទេសចរជាតិ និងអន្តរជាតិ ស្ដីពីការផ្អាកចូលទស្សនាប្រាសាទអង្គរវត្ត តាមច្រកខាងលិច(ស្ពានបណ្ដែតទឹក)ចាប់ពីព្រឹកថ្ងៃទី០៤ ខែវិច្ឆិកា ឆ្នាំ២០២៣ ។ បើតាមលិខិតរបស់អាជ្ញាធរជាតិអប្សរាបានឱ្យដឹងថា អាជ្ញាធរជាតិអប្សរាផ្អាកមិនឱ្យចូលទស្សនាប្រាសាទអង្គរវត្តបែបនេះ គឺក្នុងគោលបំណងថែរក្សាសន្តិសុខ និងសណ្ដាប់ធ្នាប់សាធារណៈ ក្នុងព្រះរាជពិធីសម្ពោធដាក់ឱ្យប្រើប្រាស់ជាផ្លូវការណ៍ ស្ពានហាលខាងលិច ក្រោមព្រះរាជាធិបតីភាពដ៏ខ្ពង់ខ្ពស់របស់ ព្រះករុណា ជាអម្ចាស់ជីវិតតម្កល់លើត្បូង ព្រះបរមនាថ នរោត្តម សីហមុនី ព្រះមហាក្សត្រនៃកម្ពុជា ។ ក្នុងពេលប្រារព្ធពីធីខាងលើ ភ្ញៀវទេសចរជាតិ និងអន្តរជាតិអាចចេញ-ចូលទស្សនាប្រាសាទអង្គរវត្ត តាមច្រកខាងកើតបានជាធម្មតាដូចមានក្នុងផែនទី ។ សម្រួលដោយ ទៀង បុណ្ណរី
