យោធាមីយ៉ាន់ម៉ាប្រើគ្រាប់បែក និងបាញ់សម្លាប់ជនស៊ីវិលយ៉ាងតិចណាស់១១នាក់ទៀត
TNM(មីយ៉ាន់ម៉ា) ៖ យ៉ាងហោចណាស់មានជនស៊ីវិល១១ នាក់ត្រូវបានសម្លាប់និងជិត៣០នាក់រងរបួស ក្នុងប៉ះទង្គិចគ្នារវាងអ្នកតវ៉ា និងកងកម្លាំងសន្តិសុខមីយ៉ាន់ម៉ានៅតំបន់ Sagaing។ នេះបើយោងតាមប្រភពពីសារព័ត៌មាន Reuter។
គិតត្រឹមព្រឹកថ្ងៃព្រហស្បតិ៍កាលពីម្សិលមិញ ជនស៊ីវិលជាង ៦១២នាក់ត្រូវបានសម្លាប់ដោយរបបយោធាមីយ៉ាន់ម៉ា ចាប់តាំងពីរដ្ឋប្រហារកាលពីថ្ងទី១ ខែកុម្ភៈ។
ការបំផ្ទុះគ្រាប់បែក និងបាញ់អាវុធវែងបានកើតឡើង នៅពេលអ្នកស្រុកបានព្យាយាមរារាំងរថយន្តយោធា៧គ្រឿងដែលដឹកទាហានពេញចូលទីប្រជុំជនវេលាម៉ោង៤ល្ងាចនៅថ្ងៃពុធ។
ក្រុមអ្នកស្រុកបានអះអាងថាកងទ័ពកំពុងត្រូវបានដាក់ពង្រាយដើម្បីធ្វើការបង្ក្រាបបាតុកម្មប្រឆាំងនឹងរបបយោធាជាប្រចាំថ្ងៃនៅក្នុងទីក្រុង Taze ក្នុងតំបន់ Sagaing ដែលបានទាក់ទាញមនុស្សរាប់ពាន់ចេញតវ៉ា ប៉ុន្តែមិនមានការវាយប្រហាររហូតដល់ថ្ងៃព្រហស្បតិ៍។
អ្នកតវ៉ានៅ Taze បានតស៊ូជាមួយកម្លាំងសន្តិសុខដោយបានប្រើកាំភ្លើងស្វ័យប្រវត្តិ និងកាំភ្លើងវែង។ បន្ទាប់ពីជនស៊ីវិលបានដកថយ កម្លាំងទាហានបានដាក់ពង្រាយនៅក្នុងទីប្រជុំជនកាលពីល្ងាចថ្ងៃពុធ។ អ្នកស្រុកបាននិយាយថា ប្រជាជនបានកំពុងរត់ចោលផ្ទះសម្បែង និងអ្នករបួសបានកំពុងព្យាយាមរកការព្យាបាលនៅកន្លែងផ្សេង៕
