អ្នកចាក់វ៉ាក់សាំង Sinovac និង Sinopharm ធ្វើចត្តាឡីស័កតែ៧ថ្ងៃប៉ុណ្ណោះ ពេលចូលថៃ
TNM(បាងកក) ៖ ក្រសួងការបរទេសថៃ បានបន្ថែមវ៉ាក់សាំង Sinopharm ចូលទៅក្នុងបញ្ជីអ្នកដែលចាក់វ៉ាក់សាំង ពោលគឺពេលទៅដល់ប្រទេសថៃ ធ្វើចត្តាឡីស័កតែ៧ថ្ងៃប៉ុណ្ណោះ។ នេះបើយោងតាមការចេញផ្សាយដោយសារព័ត៌មាន The Nation។
ក្រសួងក៏បានធ្វើកំណែប្រែថ្មីនូវលិខិតបែបបទចូលប្រទេសថៃ តាមរយៈវេបសាយរបស់ខ្លួនផងដែរ ដោយជនជាតិថៃ និងជនបរទេស ដែលធ្វើដំណើរទៅថៃត្រូវតែបំពេញ ហើយបង្ហោះភ្ជាប់ជាមួយឯកសារបញ្ជាក់ពីការចាក់វ៉ាក់សាំង នៅលើវេបសាយនោះ ដើម្បីធ្វើចត្តាឡីស័កតែរយៈពេល ៧ថ្ងៃ៕
