ក្រសួងប្រៃសណីយ៍ និងទូរគមនាគមន៍និង ក្លិបអ្នកកាសែតកម្ពុជា (ក.អ.ក) បានបើកវគ្គបណ្តុះបណ្តាលសារព័ត៌មានជាលើកទី២ ស្តីពី «ការប្រើប្រាស់ប្រព័ន្ធទំនាក់ទំនងសង្គមប្រកបដោយប្រសិទ្ធភាព និងសុវត្ថិភាពសម្រាប់អ្នកសារព័ត៌មានរយៈពេល២ថ្ងៃ
ដោយមានកិច្ចសហការជាមួយក្រសួងប្រៃសណីយ៍ និងទូរគមនាគមន៍និង ក្លិបអ្នកកាសែតកម្ពុជា (ក.អ.ក) បានបើកវគ្គបណ្តុះបណ្តាលសារព័ត៌មានជាលើកទី២ ស្តីពី «ការប្រើប្រាស់ប្រព័ន្ធទំនាក់ទំនងសង្គមប្រកបដោយប្រសិទ្ធភាព និងសុវត្ថិភាពសម្រាប់អ្នកសារព័ត៌មាន» រយៈពេល២ថ្ងៃ គឺថ្ងៃទី២៨ ខែសីហា និងថ្ងៃទី៣១ ខែសីហា ឆ្នាំ២០២៣ នៅវិទ្យាស្ថានអភិបាលកិច្ចឌីជីថល ស្ថិតនៅសង្កាត់ព្រែកលៀប ខណ្ឌជ្រោយចង្វា រាជធានីភ្នំពេញ ដែលមានសិក្ខាកាមជាអ្នកសារព័ត៌មានចូលរជាង៤០នាក់ មកពីស្ថាប័នផ្សេងៗគ្នា។ ប្រធានបទទី១ នៅថ្ងៃទី២៨ ខែសីហា ឆ្នាំ២០២៣នេះ ស្តីពី «សន្តិសុខសាយប័រសម្រាប់ទាំងអស់គ្នា» សិក្ខាកាមនឹង៖ – យល់ដឹងអំពីទស្សនទានសន្តិសុខសាយប័រ- យល់ដឹងអំពីហានិភ័យថ្មីៗ និងការគំរាមគំហែងតាមអ៊ីនធឺណិត- ចេះការពារសុវត្ថិភាពក្នុងការប្រើប្រាស់អ៊ីនធឺណិត អ៊ីមែល និងបណ្ដាញព័ត៌មានសង្គម- ចេះការពារឯកជនភាព និងទិន្នន័យផ្ទាល់ខ្លួន- ចេះកាពារខ្លួនពីការវាយប្រហារ ឬបោកប្រាស់តាមអនឡាញ ធ្វើបទបង្ហាញដោយ៖ លោក អ៊ូ ផាន់ណារិទ្ធ ប្រធាននាយកដ្ឋានសន្តិសុខ បច្ចេកវិទ្យាគមនាគមន៍និងព័ត៌មាន។ ប្រធានបទទី២ នៅពេលរសៀលថ្ងៃដដែល ស្តីពី «ការការពារសុវត្ថិភាពឧបករណ៍ និងប្រព័ន្ធអ៊ីនធឺណិត និងឯកជនភាព ទិន្នន័យរបស់ខ្លួនឯងផ្ទាល់ និងស្ថាប័ន» ធ្វើបទបង្ហាញដោយ៖ លោក សុខ សុវណ្ណ មន្ត្រីជំនាញផ្នែកសន្តិសុខសាយប័រ របស់ក្រសួងប្រៃសណីយ៍ និងទូរគមនាគមន៍។ គោលបំណងនៃវគ្គបណ្តុះបណ្តាលនេះគឺ ដើម្បីផ្តល់ឱកាសដល់អ្នកសារព័ត៌មាននូវចំណេះដឹងបន្ថែមអំពីការប្រើប្រាស់កម្មវិធីថត កាត់តវីដេអូតាមទូរស័ព្ទដៃ ការEditរូបថត ដាក់ក្រេឌីតលើរូបថតដោយប្រើទូរស័ព្ទដៃ និងការប្រើប្រាស់បណ្តាញទំនាក់ទំនងសង្គម ( Messenger, Telegram, What’s App ) ជាដើម៕ សម្រួលដោយ ទៀង បុណ្ណរី
