ដើម្បីទប់ស្កាត់ និងបំបាត់វីរុសរាតត្បាតនេះចេញផុតពីភពផែនដី ក៏ដូចជាប្រទេសកម្ពុជា សូមប្រជាពលរដ្ឋខ្មែរគ្រប់ភូមិស្ថាន ចូលរួមការពារខ្លួន ដោយការលាងសម្អាតដៃជាមួយសាប៊ូ ឬអាល់កុលសម្លាប់មេរោគឲ្យបានញឹកញាប់ ពាក់ម៉ាស់នៅពេលប្រាស្រ័យទាក់ទងជាមួយមនុស្សដទៃ កាត់បន្ថយកម្មវិធីជួបជុំផ្សេងៗ នៅឲ្យឆ្ងាយពីអ្នកជម្ងឺផ្លូវដង្ហើម ជាពិសេស រក្សាការរស់នៅប្រកបដោយអនាម័យ និងភាពស្អាតជាប្រចាំ។

ស្ថិតក្នុងស្ថានភាពលំបាក យើងត្រូវរឹងមាំទាំងអស់គ្នា និងរួមសាមគ្គីគ្នាជាធ្លុងមួយ ដើម្បីការពារខ្លួនឯង មនុស្សជាទីស្រឡាញ់ និងប្រទេសជាតិទាំងមូល។ សូមឲ្យប្រជាពលរដ្ឋខ្មែរទូទាំងប្រទេស រួចផុតពីជម្ងឺឆ្លងរាតត្បាតមួយនេះផងចុះ៕