ម៉ូតូបុកជាមួយម៉ូតូពេញទំហឹង បណ្ដាលឱ្យស្រ្តីម្នាក់ បោកក្បាលស្លាប់និង២នាក់ទៀតរងរបួស!

ភ្នំពេញ៖ ស្ដ្រីម្នាក់បានបោកក្បាលស្លាប់ និង២នាក់ទៀតរងរបួស ក្នុងហេតុការណ៍ម៉ូតូបុកគ្នា នៅលើផ្លូវជាតិលេខ៤ សង្កាត់ចោមចៅទី៣ ខណ្ឌពោធិ៍សែនជ័យ កាលពីយប់ថ្ងៃទី២០ ខែកក្កដា ឆ្នាំ២០២៣។  នៅមុនកើតហេតុ គេបានឃើញបុរសម្នាក់ជិៈម៉ូតូZOOMER X តាមផ្លូវចោមចៅ ចុះក្រោមស្ពានអាកាសឆ្ពោះទៅផ្លូវជាតិលេខ៤។  ពេលនោះបាន បុកជាមួយម៉ូតូ HONDA Dream មានឌុបស្ត្រីម្នាក់នៅលើមហាវិថីសហព័ន្ធរុស្ស៊ីពេញទំហឹង។  បណ្ដាលឱ្យស្ត្រីអ្នករួមដំណើរ បោកក្បាលស្លាប់ភ្លាមតែម្តង។  រីឯបុរសអ្នកបើកម៉ូតូទាំងសងខាងបានរងរបួសធ្ងន់ ត្រូវបានគេជួយដឹកទៅមន្ទីរពេទ្យសង្គ្រោះបន្ទាន់។  ក្រោយកើតហេតុ សមត្ថកិច្ចចរាចរណ៍បានចុះមកវាស់វែង រួចយកម៉ូតូទៅទុកនៅស្នងការដ្ឋាននគរបាលរាជធានីភ្នំពេញ រង់ចាំដោះស្រាយគ្នា៕  សម្រួលដោយ  ទៀង  បុណ្ណរី