បុរសវៀតណាម សម្លាប់អ្នកជិតខាង ព្រោះថ្លង់ ច្រៀងខារ៉ាអូខេ ឮៗពេក
បុរសម្នាក់នៅទីក្រុង Da Nang ភាគកណ្តាលប្រទេសវៀតណាម ត្រូវបានចាប់ខ្លួនពីបទសង្ស័យឃាតកម្ម បន្ទាប់ពីផ្ទុះជម្លោះហិង្សា រឿងច្រៀងខារ៉ាអូខេថ្លង់ពេក។ មន្ត្រីនៅក្រោមនាយកដ្ឋានសន្តិសុខសាធារណៈក្រុង បានបញ្ជាក់កាលពីថ្ងៃអង្គារទី១៤ខែមីនាថា ពួកគេបានចាប់ខ្លួនបុរសឈ្មោះ Le Cong Binh អាយុ៣១ឆ្នាំពីបទមនុស្សឃាត។ យោងតាមព័ត៌មានបឋម, ជនរងគ្រោះឈ្មោះ M.N.P. អាយុ៣៤ឆ្នាំ និង T.V.T. អាយុ៣២ឆ្នាំបានផឹកស្រា និងច្រៀងខារ៉ាអូខេឮៗ នៅមុខបន្ទប់ជួលរបស់ពួកគេក្នុងសង្កាត់ Lien Chieu នៃទីក្រុង Da Nang កាលពីល្ងាចថ្ងៃចន្ទ។ លោក Le Cong Binh នៅម៉ោងប្រហែល១០យប់ថ្ងៃដដែល លោក Binh ដែលរស់នៅក្បែរនោះ បានទាមទារឲ្យបុរសទាំង២ឈប់ច្រៀង ដើម្បីឲ្យអ្នកនៅទីនោះបានសម្រាក។ ក្រោយមកការឈ្លោះប្រកែកគ្នាបានកើតឡើង ហើយប្រែក្លាយទៅជាអំពើហិង្សាតែម្តង។ Binh បានដកកាំបិតពីហោប៉ៅខោ ហើយចាក់ ក របស់ T. បណ្តាលឲ្យស្លាប់នៅនឹងកន្លែង។ ទោះបីជាយ៉ាងណាក៏ដោយ មកទល់ពេលនេះ ការស៊ើបអង្កេតបន្ថែម កំពុងបន្ត៕ សម្រួលដោយ ទៀង បុណ្ណរី
