បើកលឿនដូចហោះធ្លាក់ពីផ្លូវល្បឿនលឿន បណ្តាលឱ្យមនុស្សម្នាក់ស្លា.ប់ និង3នាក់រ.ងរបួ.ស

ខេត្តព្រះសីហនុ៖ រថយន្តមួយគ្រឿងបើកបរបាត់ម្ចាស់ការ ធ្វើឱ្យធ្លាក់ចេញពីផ្លូវល្បឿនលឿន បណ្តាលឱ្យមនុស្សម្នាក់ស្លាប់ និង3នាក់ទៀតរងរបួសធ្ងន់ ស្រាល ស្ថិតត្រង់គីឡូម៉ែត្រលេខ 132+600 ក្នុងស្រុកកំពង់សីលា ខេត្តព្រះសីហនុ កាលពីរសៀលថ្ងៃទី១៩ ខែកុម្ភ: ឆ្នាំ២០២៣។  យោងតាមរបាយការណ៍បឋមពីសមត្ថកិច្ចឱ្យបានដឹងថា រថយន្តម៉ាក LANDCRUISER ពណ៍  ខ្មៅ ពាក់ស្លាកលេខ  ភ្នំពេញ 2AX- 1188 បើកបរ ដោយឈ្មោះ TANG SHUMING ភេទប្រុស អាយុ៥២ឆ្នាំ ជនជាតិចិន ទិសដៅ ភ្នំពេញ-ព្រះសីហនុ ដែលក្នុងរថយន្តមានអ្នករួមដំណើរក្រៅពីអ្នកបើកបរចំនួន ០៣ នាក់ទៀតស្រី ០១នាក់  ប្រុស០២នាក់ (សរុបទាំងអស់៤នាក់ )។  សូមជម្រាបថាករណីខាងលើនេះ​​ ដោយសារមានភ្លៀងធ្លាក់ស្ថានភាពផ្លូវរអិលបើកលើសល្បឿនខ្លាំងគ្រប់គ្រងមិនបានក៏រេចង្កូតទៅបុករនាំងធ្លាក់ផ្លូវតែម្ដង នេះបើតាងការបញ្ជាក់របស់សមត្ថកិច្ច។ ស្របជាមួយគ្នានោះ សមត្ថុកិច្ចបានកិច្ចអំពាវនាវដល់អ្នកបើកបរទាំងអស់សូមគោរពច្បាប់ចរាចរណ៍កុំបើកហូសល្បឿនកំណត់វា អាចបង្កឱ្យគ្រោះថ្នាក់ដល់ខ្លួនយើងនិងអ្នកដទៃ៕   ​សម្រួលដោយ ទៀង  បុណ្ណរី