ថ្ងៃនេះ បន្តរកឃើញអ្នកឆ្លងកូវីដ១៩ថ្មី ចំនួន៣៦នាក់ទៀត ខណៈអ្នកជាសះស្បើយចំនួន៥៨នាក់

TNM(ភ្នំពេញ) ៖ ក្រសួងសុខាភិបាលនៅព្រឹកថ្ងៃទី១៨ ខែមីនា ឆ្នាំ២០២១នេះ បានចេញសេចក្តីប្រកាសព័ត៌មានបញ្ជាក់ពីការរកឃើញអ្នកឆ្លង កូវីដ១៩ ថ្មីចំនួន៣៦នាក់ទៀត ក្នុងនោះករណីសហគមន៍ក្នុង «ព្រឹត្តិការណ៍២០កុម្ភៈ» ចំនួន៣៥នាក់ និងអ្នកដំណើរចូលកម្ពុជា១នាក់ ខណៈអ្នកជាសះស្បើយមានចំនួន៥៨នាក់។

សូមជម្រាបថា គិតត្រឹមថ្ងៃទី១៨ ខែមីនា ឆ្នាំ២០២១នេះ កម្ពុជារកឃើញអ្នកឆ្លងកូវីដ១៩ ថ្មីចំនួន១៥៤១នាក់ ក្នុងនោះអ្នកជាសះស្បើយចំនួន៨៩៨នាក់ ស្លាប់១នាក់ និងអ្នកជំងឺចំនួន៦៤០នាក់កំពុងសម្រាកនៅមន្ទីរពេទ្យ៕