យប់ថ្ងៃកាន់បិណ្ឌទី៣ ចោរគាស់ផ្ទះចូលលួចទូរសព្ទ និងអាយផេតស៊េរីទំនើបអស់ជាច្រើនគ្រឿង ជនរងគ្រោះសូមណូមពរឲ្យលោកមេប៉ុស្តិ៍ឡើងថ្មី ជួយស្រាវជ្រាវតាមចាប់ចោរនោះផង

រាជធានីភ្នំពេញ ៖ យោងតាមគណនីFacebook ផ្ទាល់របស់ជនរងគ្រោះ ដែលមានឈ្មោះ Sok Heng បានបង្ហោះនៅវេលាម៉ោង ជាង៩យប់ ថ្ងៃទី១៣ ខែកញ្ញា ឆ្នាំ២០២២ ទាំងស្រុងថា ហ្អែង សាហាវណាស់ហ្អែង ករណីចោរគាស់ផ្ទះ នៅវេលាម៉ោង ៣និង៣០នាទីទៀបភ្លឺ ចំយប់ឈានចូលថ្ងៃកាន់បិណ្ឌទី៣ គឺនៅថ្ងៃទី១៣ ខែកញ្ញា ឆ្នាំ២០២២ ចំណុចផ្ទះលេខ១១ E ភូមិដំណាក់ ១ ក្រុម៦ សង្កាត់ស្ទឹងមានជ័យ២ ខណ្ឌមានជ័យ រាជធានីភ្នំពេញ ប្រមូលយកទូរសព្ទ និងអាយផេត ស៊េរីទំនើបអស់ជាច្រើនគ្រឿង រួចរត់គេចខ្លួនបាត់ស្រមោលតែម្តង ។

ជុំវិញករណីនេះ ជនរងគ្រោះ បានឲ្យដឹងថា ទ្រព្យសម្បត្តិដែលត្រូវក្រុមចោរ គាស់ផ្ទះលួចប្រមូលបាត់អស់នេះ រួមមានដូចជា ៖
– macbook pro 2017
– iphone 12 pro max
– ipad pro 2021
– iphone 7 plus 2 គ្រឿង
– ipad mini
– ipad ធម្មតា ១
– Andriod 2 ដូច្នេះបើបងប្អូនហាងលក់គ្រឿងអេឡិចត្រូនិច ប្រទះឃើញសម្ភារៈ ទាំងនេះ ជួយទំនាក់ទំនង មក Account ឈ្មោះSok Heng នេះផ្ទាល់ និង លេខទូរស័ព្ទ 016729220 , 016844197 , 012269864  ។

ជនរងគ្រោះក៏បានបញ្ជាក់ទៀតថា ជុំវិញករណីនេះ គាត់បានដាក់ពាក្យបណ្តឹងរួចហើយ នៅប៉ុស្តិ៍នគរបាលស្ទឹងមានជ័យ២ សង្ឃឹមថា សមត្ថកិច្ច ជាពិសេសលោកមេប៉ុស្តិ៍ ស្ទឹងមានជ័យ២ ដែលទើបតែឡើងថ្មីនេះ ជួយស្រាវជ្រាវស្វែងរកក្រុមចោរទាំងនេះ យកមកផ្តន្ទាទោសឲ្យខានតែបានផង ៕  សម្រួលដោយ ទៀង បុណ្ណរី