មុននេះបន្តិចមានករណីជនមិនស្គាល់មុខចូលក្នុងធនាគារ CIMB Bank មួយកន្លែង នៅខណ្ឌទួលគោក បានផ្ទុះអាវុធបណ្ដាលឲ្យសន្តិសុខយាមក្នុងធនាគារម្នាក់រងរបួស

(ភ្នំពេញ)៖ បុរសជាសន្តិសុខយាមនៅក្នុងធនាគារមួយកន្លែងត្រូវជនមិនស្គាល់មុខចូលមកខាងក្នុងធានាគារបានបាញ់សំដៅទៅលើសន្តិសុខដែលយាមខាងក្នុងជាច្រើនគ្រាប់បណ្ដាលឲ្យរងរបួសត្រូវដឹកយកទៅសង្គ្រោះបន្ទាន់នៅឯមន្ទីរពេទ្យ។ហេតុការណ៍ផ្ទុះអាវុធខាងលើនេះបានកើតឡើងនៅក្នុងធនាគារ CIMB Bank ដែលស្ថិតនៅតាមបណ្ដោយផ្លូវ៥១៦ ក្នុងសង្កាត់បឹងកក់ទី១ ខណ្ឌទួលគោក រាជធានីភ្នំពេញ។ យោងតាមប្រភពព័ត៌មានពីសន្តិសុខអ្នកសុំមិនបញ្ចេញឈ្មោះបានប្រាប់ឲ្យដឹងថា នៅ 1និង 15នាទី មុនពេលកើតហេតុមានបុរសម្នាក់ ដែលស្លៀកពាក់ជាអង្គរក្សបានពាក់មួកសុវត្ថិភាពចូលទៅក្នុងធនាគារ ពេលនោះសន្តិសុខបានហាមឃាត់បុរសខាងលើមិនអនុញ្ញាតឲ្យពាក់មួកសុវត្ថិភាពចូលទៅខាងក្នុងធនាគារឡើយ។ ដោយឲ្យបុរសដែលជាជនសង្ស័យខាងលើដោះមួកចេញយកមកទុកនៅខាងក្រៅ ភ្លាមៗនោះ ស្រាប់តែជនសង្ស័យបានដើរចូលទៅខាងក្នុងរួចបានដកកាំភ្លើងខ្លីចេញពីចង្កេះបាញ់សំដៅមកលើសន្តិសុខយាមនៅខាងក្នុងបណ្ដាលឲ្យរងរបួសធ្ងន់ ក្រោយពីបង្កហេតុជនសង្ស័យបានរត់គេចខ្លួនចេញពីកន្លែងកើតហេតុបាត់ស្រមោល។សម្រួលដោយ ទៀង បុណ្ណរី