មិនសរសើ មិនបាន លោក ហ៊ាង រតនា ចំណាយថវិកាជិត១ម៉ឹនដុល្លារ ជួយដល់អង្គការកុមារកំព្រា

មិនសរសើ មិនបាន លោក ហ៊ាង រតនា ចំណាយថវិកាជិត១ម៉ឹនដុល្លារ ជួយដល់អង្គការកុមារកំព្រា
កាលពីថ្ងៃទី១៨ ខែកុម្ភៈ ឆ្នាំ២០២១ លោក ហ៊ាង រតនា និងគ្រួសារ ព្រមទាំងលោក យុត្ថារ៉ា ឆានី និងសប្បុរសជន បាននាំអំណោយដ៏ថ្លៃថ្លានូវ ម៉ាស៊ីនដែរ ៣៧គ្រឿង ជាឈុតៗ ជាមួយនិងអង្ករ ទឹកស៊ីអ៊ីវ មី ទឹកត្រី សាប៊ូបោកខោអាវ គ្រឿងឧបភោគបរិភោកមួយចំនួនធំទៀត ជាពិសេសថវិការាប់ពាន់ដុល្លារ ជួយដល់ជនក្រីក្រ កុមារកំព្រា ដែលរស់ក្នុងមជ្ឈមណ្ឌលភូមិខៃស៍ដែលមានទីតាំងស្ថិតនៅភូមិទី១ ឃុំត្រែងត្រយឹងស្រុកភ្នំស្រួច ខេត្តកំពង់ស្ពឺ ការចែកអំណោយនេះជាការងារមួយដែលជាការចូលរួមចំណែកជាមួយនិងរាជរដ្ឋាភិបាល កាត់បន្ថយភាពក្រីក្របានមួយគ្រាៗផងដែរ។
ក្នុងឪកាសនោះដែរ លោកយុត្ថារ៉ា ឆានី ដែលជាតារាអតីតតារាសម្តែងខ្សែភាពយន្តដ៍ល្បី និងភរិយាក៍បានចែករំលែកនូវថវិការផ្ទាល់ខ្លួនមួយចំនួនធំមកចូលរួមជាសប្បុរសជន ចែកជូនដល់កុមារកំព្រានិងម៉ែដោះក្នុងមជ្ឈមណ្ឌលដែលទទួលបានក្នុងម្នាក់ៗចំនួន៣ម៉ឺនរៀល។
ដោយឡែក លោក ហ៊ាង រតនា ក៏បានរំលឺកនូវអនុស្សាវីដ៏ជូជត់កាលពី១៥ឆ្នាំមុនដែលបានស្គាល់ មជ្ឈមណ្ឌលភូមិខៃស៍ដែលមានទីតាំងស្ថិតនៅភូមិទី១ ឃុំត្រែងត្រយឹងស្រុកភ្នំស្រួច ខេត្តកំពង់ស្ពឺ
ក្នុងគ្រាដែលលោក ហ៊ាង រតនា ជាអ្នកបើកឡានជូនភ្ញៀវបរទេស សូមស្តាប់និងទស្សនា…………
រីឯលោក សួង សន្តិភាព ហៅ សាន្នី ជាប្រធានអង្គការកុមារកំព្រាភូមិខៃស៍ ក៏បានប្រាប់អ្នកសារព័ត៌យើងថា មជ្ឈមណ្ឌលនេះមានអាគារចំនួន៦ខ្នង ដែលក្នុងនោះមានសាលាបណ្តុះបណ្តាល ភាសាអង់គ្លេស១ ខ្នង នឹងបន្ទប់សង្គ្រោះបឋម១ បន្ទប់ នឹងគ្រូពេទ្យប្រចាំការ១នាក់ នឹងបុគ្គលិកជំនួយ៨នាក់ដើម្បីមើលថែកុមារនៅក្នុងមជ្ឈមណ្ឌលនេះផងដែរ ម្យ៉ាងវិញទៀតមជ្ឈមណ្ឌលកុមារកំព្រាភូមិខៃស៍នេះគឺស្ទើរតែទាំងអស់គឹទទួលយកក្មេងៗពីមន្ទីរពេទ្យគន្ធបុប្ផាដោយសារក្មេងៗទាំងនេះមានបញ្ហាមិនប្រក្រតីដូចជា ៖ បញ្ហាខួក្បាល គ ថ្លង់ សតិមិនគ្រប់ នឹងអវះយវះដ៍ទៃទៀត ទើបធ្វើអោយឪពុកម្តាយត្រូវបង្ខំចិត្តទុកកូនចោលព្រោះខ្វះលទ្ធភាពចិញ្ចឹម ហើយមជ្ឈមណ្ឌលក៍បានទទួលចិញ្ចឹមព្រោះនេះជាក្តីសង្ឃឹមចុងក្រោយរបស់សម្រាប់ក្មេងៗកំព្រាដែលម្តាយបោះបង់ចោលក្រោមកិច្ចសហការមនុស្សធម៌ជាមួយមន្ទិពេទ្យគន្ធបុប្ផាផងដែរ ។ ជាមួយគ្នានេះផងដែរដើម្បីកាត់បន្ថយការចំណាយយ៉ាងច្រើនក្នុងមួយថ្ងៃៗ មជ្ឈមណ្ឌលបានបង្កើតផែនការកសិកម្មដោយខ្លួនឯង គឹការចិញ្ចឹមសត្វ មាន់ ទា នឹងដំណាំផ្សេងៗដើម្បីផ្គត់ផ្គង់ប្រចាំថ្ងៃ។ សូមស្តាប់និងទស្សនា………………..
ជាចុងក្រោយអង្គភាពសារព័ត៌មានTNM សូមសរសើរដោយចិត្តស្មោះចំពោះ សប្បុរសជន លោក ហ៊ាង រតនា ព្រមទាំងគ្រួសារ ជាពិសេស គឺលោក សួង សន្តិភាព ដែលមានទឹកចិត្តនិងថែទាំក្មេងៗកំព្រា នាជីវិតចុងក្រោយពួកគេ ម្យ៉ាងវិញទៀតក៏សុំសំណូមពរដល់សប្បុរសជនទាំងអស់មេត្តាជួយដល់ មជ្ឈមណ្ឌលកុមារកំព្រារភូមិខៃស៍ដែលជួបនូវបញ្ហាខ្វះខាតយ៉ាងខ្លាំងក្នុងពេលនេះមានដូចជា ៖ ១ ខ្វះស្បៀងអាហារនឹងសម្ភារះប្រើប្រាស់ប្រចាំថ្ងៃ ២ ខ្វះខាតទឹកប្រើប្រាស់នារដូវប្រាំង ៣ ខ្វះខាតសម្ភារះសិក្សារបស់ក្មេងៗ ៤ អាគាសិក្សាមួយចំនួនមានសភាពទ្រុឌទ្រោម ដែលអាចបង្ករគ្រោះថ្នាក់ដោយប្រការណាមួយ ។