សកម្មភាពការងារមន្ត្រីនៃមន្ទីរកសិកម្ម រុក្ខាប្រមាញ់ និងនេសាទខេត្តក្រចេះ ថ្ងៃពុធ ៤រោច ខែចេត្រ ឆ្នាំខាល ចត្វាស័ក ព.ស ២៥៦៥ ត្រូវនឹងថ្ងៃទី២០ ខែមេសា ឆ្នាំ២០២២ ៖

១. សកម្មភាពថ្នាក់ដឹកនាំមន្ទីរ

– លោក អោក ដារុណ អនុប្រធានមន្ទីរ បានចូលរួមកិច្ចប្រជុំសាមញ្ញលើកទី៣៥ របស់ក្រុមប្រឹក្សាខេត្ត អាណត្តិទី៣ ឆ្នាំទី៣ ក្រោមអធិតីភាព ឯកឧត្តម ហឿ ស៊ីយ៉ែម ប្រធានក្រុមប្រឹក្សាខេត្ត នៅសាលប្រជុំក្រុមប្រឹក្សាខេត្ត។

– លោក ម៉ៅ វិចិត្រ អនុប្រធានមន្ទីរ លោក ជូ ចាន់សិត្យា មន្ត្រីតាមដាន និងលោក អ៊ុក ចន្ថា ទីប្រឹក្សាគ្រប់គ្រង បានចុះពិនិត្យអំពីវឌ្ឍនភាពអាគារប្រមូលផ្តុំ (collecting center) នៅភូមិថ្មគ្រែលើឃុំថ្មគ្រែ ភូមិគោលាប់ ឃុំគោលាប់ ស្រុកចិត្របុរី និងនៅភូមិទួលមនោរម្យ សង្កាត់ក្រគរ ក្រុងក្រចេះ។

២. ការិយាល័យកសិ-ឧស្សាហកម្ម

– លោក លាង ពន្លឺ អនុប្រធានការិយាល័យកសិ-ឧស្សាហកម្ម លោកស្រី ឡូត សុវណ្ណា អនុប្រធានការិយាល័យផែនការ-គណនេយ្យ បានចូលរួមសិក្ខាសាលាស្តីពីការអង្កេតទីផ្សារនៃតម្លៃរបបអាហារនៅសណ្ឋាគារ agency ankor នៅខេត្តសៀមរាបដែលមានអ្នកចូលរួម ៤៨នាក់ ស្រី្ត ១៦នាក់។