សម្តេចក្រឡាហោម ស ខេង ចេញប្រកាសតែងតាំងអធិការនគរបាលថ្មីខណ្ឌជ្រោយចង្វារ, លោក លៀក ចាន់រាបសា ជំនួសលោក សៀម សុត្ថាវុធ ដែលទទួលភារកិច្ចថ្មី

ភ្នំពេញ៖ សម្តេចក្រឡាហោម ស ខេង ឧបនាយករដ្ឋមន្រ្តី និងជារដ្ឋមន្រ្តីក្រសួងមហាផ្ទៃ បានចេញប្រកាសភារកិច្ច និងតែងតាំងមុខតំណែងថ្មីជូនមន្រ្តីនគរបាលជាតិចំនួន២រូប ដោយក្នុងនោះលោក លៀក ចាន់រាបសា ពីអធិការរងនគរបាលខណ្ឌទួលគោក ទៅជាអធិការនគរបាលខណ្ឌជ្រោយចង្វារ ជំនួសលោក សៀម សុវត្ថាវុធ ត្រូវបានតែងតាំងជានាយការិយាលនគរបាលសណ្តាប់ធ្នាប់។ នេះបើតាមសេចក្តីប្រកាសរបស់សម្តេចក្រឡាហោម ស ខេង ដែលបណ្តាញព័ត៌មាន TNM ទទួលបាននៅរសៀលថ្ងៃទី២០ ខែមេសា ឆ្នាំ២០២២នេះ។

មន្រ្តីនគរបាលរាជធានីភ្នំពេញ បានឲ្យដឹងថា ពិធីប្រកាសផ្លាស់ប្តូរ និងតែងតាំងមុខតំណែងនេះ នឹងធ្វើឡើងនៅស្នងការដ្ឋាននគរបាលរាជធានីភ្នំពេញនាថ្ងៃស្អែក ក្រោមវត្តមានលោកឧត្តមសេនីយ៍ឯក ស ថេត អគ្គស្នងការរងនគរបាលជាតិ និងជាស្នងការនគរបាលរាជធានីភ្នំពេញ៕