អគ្គិភ័យបានឆាបឆេះផ្ទះ និងឃ្លាំងមួយកន្លែងបណ្តាលមកពីផ្សារដំបូលធ្លាក់កំទេចធូបផ្សារ
ភ្នំពេញ៖ អគ្គិភ័យបានឆាបឆេះផ្ទះ និងឃ្លាំងមួយកន្លែង ដែលហេតុការណ៍នេះបានកើតឡើងនៅវេលាម៉ោង៩:៣០នាទី ថ្ងៃទី០៦ ខែមីនា ឆ្នាំ២០២២ កើតឡើងនៅចំណុចចំណុច ផ្ទះលេខ ១១១A,B,C ផ្លូវលេខ ១២២ សង្កាត់ទឹកល្អក់១ ខណ្ឌទួលគោក រាជធានីភ្នំពេញ។
ហេតុការណ៍អគ្គិភ័យឆាបឆេះនេះបណ្តាលមកពីផ្សារដំបូលធ្លាក់កំទេចធូបផ្សារបង្កជាអគ្គិភ័យ ដែលធ្វើឲ្យខូចខាតឆេះផ្ទះល្វែង៨ម៉ែត្រ គុណនឹង៣០ម៉ែត្រ នឹងឃ្លាំង ទំហំ១៣ម៉ែត្រ គុណនឹង៣០ម៉ែត្រ និងឆេះខូចខាត ឃ្លាំងចំនួន១ រថយន្ត Toyota RAIZE ចំនួន ១គ្រឿង ផ្លាកលេខ ភ្នំពេញ ២BQ-២៦៦៣ ម៉ូតូចំនួន ៤គ្រឿង ម៉ូតូរម៉កចំនួន ១គ្រឿង កង់ចំនួន ១គ្រឿង និងសម្ភារៈប្រើប្រាស់អស់ទាំងស្រុង និងបានឆេះរាលដាលដល់ផ្ទះអ្នកនៅក្បែរចំនួនមួយខ្នងផ្ទះ ព្រមទាំងមនុស្សចំនួន ៣នាក់បានរងរបួស។
នៅម៉ោង១០:៣០នាទី ថ្ងៃខែឆ្នាំដដែល អគ្គិភ័យនេះត្រូវបានពន្លត់បានទាំងស្រុង ដោយប្រើប្រាស់រថយន្តការិយាល័យអគ្គិភ័យរាជធានីភ្នំពេញ ចំនួន១៩គ្រឿង ប្រើប្រាស់ទឹកអស់ ៣៨ឡាន ស្មើរនឹង១៥២ម៉ែត្រគូប រថយន្តក្រសួងមហាផ្ទៃ ចំនួន០៣គ្រឿង ប្រើប្រាស់ទឹកអស់ចំនួន២ឡាន ស្មើរនឹង៨ម៉ែត្រគូប, រថយន្តទីក្រុងកោះពេជ្រ ចំនួន៣គ្រឿង ប្រើប្រាស់ទឹកអស់ចំនួន៣ឡាន ស្មើរនឹង១២ម៉ែត្រគូប, រថយន្តក្រុមហ៊ុន OCIC ទីក្រុងជ្រោយចង្វារ ចំនួន៨គ្រឿង ប្រើប្រាស់ទឹកអស់ចំនួន៨ឡាន ស្មើរនឹង៣២ម៉ែត្រគូប រថយន្តទីក្រុងអូឡាំព្យា ចំនួន២គ្រឿង ប្រើប្រាស់ទឹកអស់ចំនួន២ឡាន ស្មើរនឹង៨ម៉ែត្រគូប រថយន្តក្រុមហ៊ុនស្រាបៀរកម្ពុជា ចំនួន១គ្រឿង ប្រើបាស់ទឹកអស់ ចំនួន១ឡាន ស្មើរនឹង៤ម៉ែត្រគូប ៕
