បុរសញៀនថ្នាំខឹងប្រើក្មេងទៅទិញថ្នាំញៀនអោយខ្លួនជក់មិនបានគំរាមសំលាប់ ត្រូវសមត្ថកិច្ចក្របួចជាប់
TNM(កណ្ដាល)៖ កាលពីវេលាម៉ោង ០៦:១០នាទីល្ងាចថ្ងៃទី ០៨ ខែកុម្ភៈ ឆ្នាំ២០២១ សមត្ថកិច្ចស្រុកកណ្ដាលស្ទឹងឃាត់ខ្លួនជនសង្ស័យម្នាក់តាមពាក្យបណ្ដឹង របស់ជនរងគ្រោះក្នុងករណីគំរាមសម្លាប់។ ហេតុការនេះកើតឡើងនៅចំណុច ភូមិស្រុកចេក ឃុំបឹងខ្យាងស្រុកកណ្ដាលស្ទឹង ខេត្តកណ្ដាល ។
លោកវរ:សេនីយ៍ទោ សុឹម គឹមស៊ុន អធិការរងនគបាលស្រុកកណ្ដាលស្ទឹងបានឲ្យនឹងថា: ជនរងគ្រោះ មាន ឈ្មោះ ចន ស្រីម៉ៅ ភេទស្រី អាយុ ២០ឆ្នាំ មានទីលំនៅភូមិឃុំកើតហេតុខាងលើ មុខរបរ កាត់ដេរនៅផ្ទះ។
មុនពេលកើតហេតុជនសង្ស័យ
ឈ្មោះ ធួន សុខពៅ ភេទប្រុស អាយុ ៤២ឆ្នាំ មានទីលំនៅភូមិ ឃុំ នឹងស្រុក ជាមួយគ្នា មានមុខរបរ មិនពិតប្រាកដ បានផឹកស្រាស្រវឹងឡូឡារករឿងគំរាមកំហែងថានឹងសំលាប់ជនរងគ្រោះជាញឹកញាប់
រហូតដល់នៅថ្ងៃទី ០៧ ខែ កុម្ភៈឆ្នាំ២០២១ វេលាម៉ោង ១៨:នឹង៣០នាទី ជនសង្ស័យបានមកពីផឹកស្រាវិញ ហេីយបានប្រេីអោយប្អូនប្រុសរបស់ ជនរងគ្រោះឈ្មោះ យុទ្ធ អាយុ១១ឆ្នាំអោយទៅទិញ គ្រឿងញៀនអោយខ្លួនជក់ ពេលនោះម្តាយជនរងគ្រោះបានតបថា កូនរបស់អញមិនមែនជាអ្នកទិញគ្រឿងញៀនទេ បេីចង់ជក់ទៅទិញខ្លួនឯងទៅ រួចជនរងគ្រោះបានតបថា ម៉ែឯងចូលចិត្តជ្រលក់មាត់ជាមួយ
មនុស្សចឹងម្លេះ ពេលនោះជនសង្ស័យបានធាក់ទ្វារលេីផ្ទះ រួចដេីរទៅបេីកវាំងនន ដោយកាន់ដាវនៅក្នុងដៃ ហេីយបានស្រែកគំរាមជនរងគ្រោះថាសំដីងែងខ្លាំងម្ល៉េះ អញនឹងកាប់ងែងអោយងាប់! ភ្លាមនោះជនរងគ្រោះបានស្រែកប្រាប់ម្តាយ រួចរត់ទៅប្តឹងមេភូមិ មួយសន្ទុះក្រោយមក សមត្ថកិច្ចប៉ុស្តិ៍នគរបាលរដ្ឋបាលឃុំបឹងខ្យាងបានចុះទៅដល់កន្លែងកេីត ហេតុធ្វើការណែនាំជនសង្ស័យរួចបានដកដាវយកមករក្សាទុក។
លុះដល់ស្អែកថ្ងៃកើតហេតុខាងលើ ជនសង្ស័យបានមកពីផឹកស្រាស្រវឹងឡូឡា ហេីយបានឡេីងទៅលេីផ្ទះជនរងគ្រោះ រួចបានយកបាវអង្ករបោះមកលេីដី ហេីយបាននិយាយថា ប៉ូលិសមិនហ៊ានធ្វើអ្វីអញទេ បេីយប់នេះគ្មានអ្នកមកចាប់អញៗនឹងសម្លាប់ទាំងម្តាយទាំងកូន លឺដូចនោះជនរងគ្រោះបានទូរសព្ទប្តឹងសមត្ថកិច្ចប៉ុស្តិ៍នគរបាលរដ្ឋបាលបឹងខ្យាង ពេលទទួលបានពត៌មានកម្លាំងប៉ុស្តិ៍បានចុះទៅកន្លែងកេីតហេតុឃាត់ខ្លួនជនសង្ស័យបញ្ជូនមកកាន់អធិការដ្ឋានដេីម្បីបន្តនីតិវិធីច្បាប់៕
