លោកជា ច័ន្ទសុផលនិងលោកស្រីអញ្ជើញជាអធិបតីភាពក្នុងពិធីក្រុងពាលី នៅវិទ្យាល័យហ៊ុន សែន សំពៅពូន

ខេត្តកណ្តាល ៖ នាព្រឹកថ្ងៃច័ន្ទ ៧ រោចខែស្រាពណ៍ឆ្នាំឆ្លូវត្រីស័កពុទ្ធសករាជ ២៥៦៥ ត្រូវនឹងថ្ងៃទី ៣០ ខែសីហាឆ្នាំ ២០២១ នៅវិទ្យាល័យហ៊ុនសែនសំពៅពូនស្ថិតនៅភូមិព្រែកសែមឃុំសំពៅពូនស្រុកកោះធំខេត្តកណ្ដាល មានរៀបចំពិធីក្រុងពាលី សម្រាប់កសាងខ្លោងទ្វារវិទ្យាល័យហ៊ុនសែនប្ដូរទៅជាវិទ្យាល័យ(សម្ដេចតេជោហ៊ុនសែនសំពៅពូន) នឹង សាលាមួយខ្នងកម្ពស់ពីជាន់ បណ្ដោយ ៤០ ម៉ែត្រ បន្ទប់ ១០ ក្រោមអធិបតីភាពលោកជា ចាន់សុផលហៅលោក(ឪគង់) ជាប្រធានសមាគមអ្នកគាំពារសុខភាពពលរដ្ឋកម្ពុជា នឹង ជំនួយការឯកឧត្តម ប៉ែន អ៊ាន ទីប្រឹក្សាផ្ទាល់សម្ដេចអគ្គមហាសេនាបតីតេជោហ៊ុនសែននាយករដ្ឋមន្ត្រីនៃព្រះរាជាណាចក្រកម្ពុជាយើង និងមានការអញ្ជើញចូលរួមក្រុមប្រឹក្សាស្រុក សមាជិកសមាជិកាក្រុមការងារសមាគមអ្នកគាំពារសុខភាពពលរដ្ឋកម្ពុជា និង នាយកសាលា លោកគ្រូអ្នកគ្រូមន្ត្រីរាជការកងកម្លាំងប្រដាប់អាវុធក្នុងស្រុកផងដែរ។ ក្នុងនេះដែរ លោក ជា ច័ន្ទ សុផលនិងភរិយា លោកស្រី ចេងហ៊ាង ស៊ូលាង បានចំណាយធនធានផ្ទាល់ខ្លួន ព្រោះលោកបានគិតថា ចាស់ហើយត្រូវដាក់អាវុធចុះចាប់យកព្រះធម៌ត្រូវតែជួយការពារកសាងប្រទេសជាតិដើម្បីប្រយោជន៍រួម ផលបុណ្យទៅកាន់ថ្ងៃអនាគត ដូចជាកន្លងមកជួយកសាងសមិទ្ធិផលនានាក្នុងព្រះពុទ្ធសាសនាផ្លូវលំផុកផុងក្នុងមូលដ្ឋានចំណាយថវិកាផ្ទាល់ខ្លួនដោយបានគិតថាត្រូវធ្វើអំពើល្អស្មោះត្រង់ សូមស្តាប់និងទស្សនាឃ្លីបវីដេអូ…………………… គួរបញ្ជាក់ផងដែរ លោក ជា ច័ន្ធសុផល លោកជាតីតកងទ័ពជាតិ៤ ជំនាន់នឹងជាជំនួយការឯកឧត្តម ប៉ែន អ៊ាន ទីប្រឹក្សាសម្ដេចអគ្គមហាសេនាបតីតេជោហ៊ុនសែននាយករដ្ឋមន្ត្រី លោកបានបញ្ចប់ កម្រិតវប្បធម៍សិក្សាថ្នាក់ទី ២ ទំនើបនៅវិទ្យាល័យព្រះស៊ីសុវត្ថិរាជធានីភ្នំពេញ លោកបន្តលើកឡើងក្នុងការចូលរួមកសាងសមិទ្ធផលនានាទាំងអស់នេះសម្រាប់បន្សល់ទុកជូនកូនខ្មែរជំនាន់ក្រោយៗហើយនិងសូមផ្ដាំផ្ញើដល់យុវជនជាទំពាំងស្នងឬស្សីកូនខ្មែរប្រុសស្រីត្រូវស្មោះត្រង់ធ្វើអំពើល្អមនុស្សធម៌សាមគ្គីបម្រើការពារកសាងជាតិខ្មែរអរិយអោយបានរុងរឿង បន្ទាប់បញ្ជប់នៃកម្មវិធីក្រុងពាលីក៏មានការរៀបចំទទួលអាហារសាមគ្គីមហាសន្តិភាពផងដែរ។ ដោយឡែកបន្ទាប់ពីទទួលទានអាហារសាមគ្គឺរួច សមាជិកសមាជិការក៏បានអញ្ជើញទៅទស្សនៈកិច្ច នៅតំបន់អភិវឌ្ឍន៍មជ្ឈមណ្ឌលតេជោហ៊ុនសែនសន្តិភាពគាំពារព្យាបាលចាស់ជរានិងកសិឧស្សាហកម្មទេសចរណ៍ធម្មជាតិ ភូមិ ១ ផលិតផល ១ ដែលស្ថិតនៅភូមិ ពោធិ៍បាន ឃុំកំពង់កុង ស្រុកកោះធំ ខេត្តកណ្តាល៕