វេទិកាស្តីពីបេតិកភណ្ឌវប្បធម៌អរូបីអាស៊ី – ប៉ាស៊ីហ្វិកត្រូវបានដាក់ឱ្យដំណើរការ
វេទិកាចែករំលែកព័ត៌មានស្តីពីបេតិកភណ្ឌវប្បធម៌អរូបី (ICH) នៃបណ្តាប្រទេសនៅអាស៊ី – ប៉ាស៊ីហ្វិក រួមទាំងប្រទេសវៀតណាមផងនោះត្រូវបានដាក់ឱ្យដំណើរការកាលពីពេលថ្មីៗនេះ។
វេទិកា ichLinks នៅក្នុងគេហទំព័រ (https://www.ichlinks.com) គឺជាគំនិតផ្តួចផ្តើមរបស់មជ្ឈមណ្ឌលព័ត៌មាន និងបណ្តាញអន្តរជាតិសម្រាប់បេតិកភណ្ឌវប្បធម៌អរូបីនៅតំបន់អាស៊ី – ប៉ាស៊ីហ្វិក ក្រោមការឧបត្ថម្ភពីអង្គការយូណេស្កូ (ICHCAP) ។
វេទិកានេះមានការចូលរួមពីបណ្តាជាសមាជិកចំនួន ៧ គឺប្រទេសកាហ្សាក់ស្ថាន អ៊ូសបេគីស្ថាន ម៉ុងហ្គោលី ម៉ាឡេស៊ី វៀតណាម ឥណ្ឌា និងហ្វីជី។
នៅក្នុងខែមិថុនានេះ ក្រសួងវប្បធម៌ កីឡា និងទេសចរណ៍ បានចាត់តាំងវិទ្យាស្ថានសិក្សាវប្បធម៌ និងសិល្បៈវៀតណាម (VICAS) ជាដៃគូសមាជិករបស់វេទិកានេះ។
វេទិកានេះជួយដល់បណ្តាអ្នកស្រាវជ្រាវ និងអ្នកជំនាញ ICH ក្នុងការងាយស្រួលស្វែងរក និងកំណត់ទីតាំងព័ត៌មាន និងទិន្នន័យដោយប្រើឧបករណ៍បច្ចេកវិទ្យាទំនើប។
លើសពីនេះទៀត មាតិកានៃគេហទំព័រនេះអាចត្រូវបានប្រើប្រាស់ដោយមនុស្សគ្រប់គ្នាដោយសេរី ដើម្បីបម្រើដល់គោលបំណងលើកកម្ពស់បេតិកភណ្ឌវប្បធម៌អរូបីនៅទូទាំងពិភពលោក៕ (ប្រភព VNA បកប្រែដោយលោក យា ចិន្តាខន្តី) សម្រួលផ្សាយដោយ៖ ធូ កុសល
