ប្រទេសចិនអនុញ្ញាតឱ្យគូស្វាមីភរិយាមានកូនច្រើនបាន ដោយអាចមាន៣នាក់ នៅពេលបច្ចុប្បន្ននេះ
គេបានរំពឹងថា ទីក្រុងប៉េកាំងនឹងផ្លាស់ប្តូរគោលការណ៍គោលនយោបាយគ្រួសាររបស់ខ្លួនបន្ទាប់ពីលទ្ធផលជំរឿននាពេលថ្មីៗនេះ។
ប្រធានាធិបតីចិន លោក ស៊ី ជីនពីង បានអនុម័តកាលពីថ្ងៃច័ន្ទនូវគោលនយោបាយថ្មីនៅក្នុងកិច្ចប្រជុំនយោបាយមួយ ដែលអនុញ្ញាតឱ្យគូស្វាមីភរិយាមានកូនរហូតដល់បីនាក់ ដែលគោលនយោបាយមុនអនុញ្ញាតឱ្យពួកគេមានកូនត្រឹមតែពីរនាក់ប៉ុណ្ណោះ។
ការផ្លាស់ប្តូរនេះធ្វើឡើងបន្ទាប់ពីទិន្នន័យជំរឿនប្រជាជនដែលបានចេញផ្សាយកាលពីដើមខែនេះបានបង្ហាញអំពីការធ្លាក់ចុះនៃកំណើតថ្មី និងអត្រាកំណើនប្រជាជនយឺតបំផុត។
រដ្ឋាភិបាលចិនបានបញ្ចប់គោលនយោបាយកូនតែមួយរបស់ខ្លួនកាលពីឆ្នាំ ២០១៦ ដែលអនុញ្ញាតឱ្យគូស្វាមីភរិយាមានកូនពីរនាក់។ ទោះជាយ៉ាងណា ការកែទម្រង់នេះបានបរាជ័យក្នុងការធ្វើឱ្យថយចុះអត្រាកំណើតជាទូទៅរបស់ប្រទេសនេះ។
គោលនយោបាយកូនតែមួយដ៏ចម្រូងចម្រាសរបស់ប្រទេសចិនត្រូវបានបង្កើតឡើងនៅក្នុងឆ្នាំ ១៩៨០ បន្ទាប់ពីមានគោលនយោបាយកូនពីរនាក់អស់រយៈពេលមួយទសវត្សរ៍មក ដើម្បីទប់ស្កាត់ការកើនឡើងយ៉ាងឆាប់រហ័សនៃចំនួនប្រជាជនរបស់ប្រទេសនេះ៕ (ប្រភព Sputnik បកប្រែដោយលោក យា ចិន្តាខន្តី) សម្រួលផ្សាយដោយ៖ ធូ កុសល
