រដ្ឋបាលខេត្តកំពង់ឆ្នាំង សម្រេចបិទជាបណ្ដោះអាសន្ន ផ្សារព្រៃខ្មែរ ស្ថិតក្នុងភូមិស្ពករាជ្យ ឃុំអណ្តូងស្នាយ ស្រុករលាប្អៀរ

TNM(ខេត្តកំពង់ឆ្នាំង) ៖ ការបិទទីតាំងនេះជាបណ្ដោះអាសន្នក្រោយរកឃើញ មានពាក់ព័ន្ធនឹងអ្នកវិជ្ជមានជំងឺកូវីដ-១៩ ម្នាក់ ឈ្មោះ នូ ចុល រស់នៅភូមិព្រះរាមរង្សី ឃុំជ្រៃបាក់ ស្រុករលាប្អៀរ ខេត្តកំពង់ឆ្នាំង នៅថ្ងៃទី១៩ ខែមេសា ឆ្នាំ២០២១។

រដ្ឋបាលខេត្តកំពង់ឆ្នាំង តម្រូវអោយផ្អាកសកម្មភាពលក់ដូរ និងការចេញចូលផ្សារព្រៃខ្មែរជាបណ្តោះអាសន្ន ចំពោះអាជីវករ និងអ្នកធ្លាប់ចេញចូលផ្សារព្រៃខ្មែរ ត្រូវតាមដានសុខភាពរបស់ខ្លួនជាប់ជាប្រចាំ បើមានរោគ សញ្ញាសង្ស័យ ត្រូវប្រញ៉ាប់ទំនាក់ទំនងមកក្រុមការងារ ឬមណ្ឌលសុខភាពដែលនៅជិតបំផុត ដើម្បីយកសំណាកទៅពិនិត្យ។