ក្រុមយុវជនតែងអុកឡុ.កតាមភូមិបង្កការភ័.យខ្លាចដល់ពលរដ្ឋ ត្រូវកម្លាំងសមត្ថកិច្ចចុះបង្ក្រាបបានហើយ
ខេត្តស្វាយរៀង ៖ យុវជន២ក្រុម ប្រដាប់ដោយកាំបិ.ត និងដា.វសាម៉ូរ៉ៃមានគ្នាសរុប៩នាក់ដេញកា.ប់ប្រហារគ្នាយ៉ាងសាហា.វបង្កឲ្យប្រជាពលរដ្ឋមានការភ័.យខ្លា.ច ដែលតែងតែជិះម៉ូតូ និងដើរអុកឡុកតាមភូមិធ្វើឲ្យប្រជាពលរដ្ឋព្រួយបារម្ភនោះត្រូវសមត្ថកិច្ចចុះបង្ក្រាប និងបញ្ជូនមកសាលាដំបូងខេត្តចាត់ការតាមនីតិវិធីហើយ កាលពីថ្ងៃទី២៦ តុលា ឆ្នាំ២០២៣។
បើតាមមន្ត្រីនគបាលការិយាល័យកម្រិតស្រាលនៃស្នងការដ្ឋាននគបាលខេត្តបានឲ្យដឹងថា ដោយអនុវត្តន៍តាមបទបញ្ជាដ៏ម៉ឺងម៉ាត់ របស់លោកឧត្ដមសេនីយ៍ទោ ពេជ្រ វីរៈ ស្នងការនគរបាលបាលខេត្ត ក្នុងការចូលរួមទប់ស្កាត់ក្រុមយុវជនអុកឡុកក្នុងមូលដ្ឋាន និងចូលរួមអនុវត្តគោលនយោបាយ ភូមិ-ឃុំ-សង្កាត់មានសុវត្ថិភាព នៅយប់ថ្ងៃទី២៤ ខែតុលា ឆ្នាំ២០២៣ កម្លាំងអធិការដ្ឋាននគរបាលក្រុងបាវិត សហការជាមួយកម្លាំងប៉ុស្តិ៍នគរបាលរដ្ឋបាលសង្កាត់បាវិត បានចេញល្បាត ចល័តនៅក្នុងមូលដ្ឋាន បានប្រទះឃើញយុវជនចំនួន២ក្រុម កំពុងធ្វើសកម្មភាពជិះម៉ូតូដេញកា.ប់គ្នា ក្នុងភូមិសាស្ត្រភូមិបាវិតកណ្តាល សង្កាត់បាវិត ក្រុងបាវិត ភ្លាមៗនោះកម្លាំងអធិការដ្ឋាននគរបាលក្រុងបាវិត បានឃាត់ខ្លួនក្រុមយុវជនបានចំនួន៩នាក់ ព្រមទាំងដកហូតវត្ថុតាងរួមមាន ម៉ូតូ៣គ្រឿង និងដា.វ២ដើម។ បច្ចុប្បន្ន ក្រុមយុវជនត្រូវបានសមត្ថកិច្ចជំនាញកសាងសំណុំរឿងបញ្ជូនទៅសាលាដំបូងខេត្តស្វាយរៀងចាត់ការតាមនីតិវិធីច្បាប់៕
