ពិតជាហ៊ានមែន! ក្រុមរហស្សនាម DS «ដីខ្សាច់» ល្បីកាងនៅពោធិ៍ចិនតុង ចូលកា.ប់គេដល់ក្នុងផ្ទះលក់ប្រហិត
រាជធានីភ្នំពេញ ៖ បើតាមសេចក្តីរាយការណ៍បានឱ្យដឹងថា យុវជនមួយក្រុមដែលគេស្គាល់រហស្សនាមថា ជាក្រុម DS «ដីខ្សាច់» បានជិះម៉ូតូប្រដាប់ទៅដោយកាំបិ.តផ្គា.ក់សម្រុកចូលទៅកា.ប់ប្រ.ហា.រយុវជនមួយក្រុមទៀតដែលកំពុងអង្គុយហូបប្រហិតចៀននៅផ្ទះអ្នកលក់ចាប់ហួយមួយកន្លែង បណ្ដាលឲ្យរងរបួសធ្ងន់ និងស្រាលចំនួន៣នាក់។ បន្ទាប់ពីកា.ប់រួច ក្រុម DS «ដីខ្សាច់» នេះ ក៏នាំគ្នាជិះរត់គេចខ្លួនបាត់ស្រមោលតែម្ដង បង្កឱ្យមានការភ្ញាក់ផ្អើលកាលពីវេលាម៉ោង៨និង២០នាទីយប់ ថ្ងៃទី១៩ ខែតុលា ឆ្នាំ២០២៣ ត្រង់ចំណុចផ្ទះលក់ចាប់ហួយមួយកន្លែង នៅច្រកចូលបុរី «មហាសែនសុខ» ស្ថិតក្នុងសង្កាត់ក្រាំងធ្នង់ ខណ្ឌសែនសុខ។ តាមប្រភពព័ត៌មានពីម្ចាស់ផ្ទះលក់ចាប់ហួយខាងលើ បានរៀបរាប់ប្រាប់ឲ្យដឹងថា «ផ្ទះរបស់គាត់ គឺមានលក់ចាប់ហួយ ប្រហិតចៀនជាដើម ហើយនៅមុនពេលកើតហេតុ មានយុវជនមួយក្រុម មានគ្នា៣ទៅ៤នាក់បាននាំគ្នាមកអង្គុយ និងកុម្មង់ប្រហិតចៀនហូបនៅផ្ទះរបស់គាត់»។ ម្ចាស់ផ្ទះខាងលើបន្តថា «លុះដល់វេលាកើតហេតុ ខណៈពេលដែលគាត់កំពុងតែរៀបចំដាក់ចៀនប្រហិតឲ្យយុវជនទាំងនោះ ក៏ស្រាប់តែមានយុវជនមួយក្រុមទៀត មានគ្នាជិត២០នាក់ ជិះម៉ូតូ៨ទៅ៩គ្រឿង ក្នុងដៃប្រដាប់ដោយកាំបិ.តផ្គា.ក់ ដំបង និងដុំថ្មស្ទើរគ្រប់ដៃ បានជិះមកឈប់ រួចរត់ចូលទៅកា.ប់យុវជនដែលកំពុងអង្គុយចាំញ៉ាំប្រហិតចៀនក្នុងផ្ទះរបស់គាត់»។ ម្ចាស់បន្តបន្តទៀតថា «ភ្លាមៗនោះ យុវជនដែលមកញ៉ាំប្រហិតចៀនទាំងនោះក៏នាំគ្នាងើប រួចរត់គេចខ្លួនចូលទៅពួនក្នុងផ្ទះរបស់គាត់ តែក្រុមយុវជនប្រដាប់ដោយកាំ.បិតវិញក៏បានរត់ចូលទៅតាម រួចកា.ប់យុវជនរងគ្រោះដល់ក្នុងផ្ទះរបស់គាត់តែម្ដង បណ្ដាលឲ្យយុវជនរងគ្រោះម្នាក់រងរបួសរយះពោះ និងជង្គង់ខាងស្ដាំធ្ងន់ធ្ងរ និងយុវជនរងគ្រោះ២នាក់ទៀតរងរបួសស្រាល។ បន្ទាប់មកយុវជនបង្កទាំងនោះក៏ទៅកា.ប់កម្ទេចម៉ូតូហុងដាឌ្រីមមួយគ្រឿង និងម៉ូតូធូដេមួយគ្រឿងទៀតដែលចតនៅខាងមុខផ្ទះ ថែមទាំងវា.យបំបែ.កទូកញ្ចក់របស់គាត់ បណ្ដាលឲ្យបែករងការខូចខាត។ ក្រោយមក ក្រុមយុវជនបង្កទាំងនោះក៏នាំគ្នាឡើងជិះម៉ូតូរត់គេចខ្លួនបាត់ស្រមោលអស់តែម្ដង»។ ម្ចាស់ផ្ទះខាងលើបានបញ្ជាក់ថា «គាត់ជាម្ចាស់ផ្ទះ មិនដឹងថា តើយុវជនបង្កទាំងនោះមានរឿងរ៉ាវឈ្លោះប្រកែកគ្នាអ្វីជាមួយយុវជនរងគ្រោះនោះទេ? ប៉ុន្តែកាលពីម្សិលមិញ ក្រុមយុវជនបង្ក ទាំងនោះធ្លាប់បានលើកគ្នាចំនួន៦នាក់ ជិះម៉ូតូ២គ្រឿង និងប្រដាប់ទៅដោយកាំបិ.តផ្គា.ក់ មកកា.ប់យុវជនមួយក្រុមផ្សេងទៀតដែលកំពុងអង្គុយហូបអីនៅខាងមុខផ្ទះរបស់គាត់ ប៉ុន្តែកា.ប់មិនបានសម្រេច ក៏នាំគ្នាជិះរត់គេចខ្លួនបាត់ស្រមោលតែម្ដង»។ តាមសម្តីពីយុវជនរងគ្រោះ បានប្រាប់ឱ្យដឹងថា «ពួកគាត់មិនធ្លាប់មានបញ្ហាឈ្លោះប្រកែកគ្នាជាមួយនឹងក្រុមយុវជនបង្កទាំងនោះពីមុខមកទេ គ្រាន់តែដឹងថា ក្រុមយុវជនបង្កទាំងនោះ គឺជាធីម DS «ដីខ្សាច់» ដែលមានឈ្មោះល្បីល្បាញខាងកា.ប់ចា.ក់ និងកាងនៅពោធិ៍ចិនតុង»។ ក្រោយពេលកើតហេតុ ជនរងគ្រោះត្រូវបានរថយន្តសាម៉ុយដឹកជញ្ជូនទៅសង្គ្រោះនៅមន្ទីរពេទ្យព្រះកុសមៈភ្លាមៗ។ ហើយសមត្ថកិច្ចមូលដ្ឋានក៏បានចុះធ្វើការសាកសួរ ដើម្បីកំណត់មុខសញ្ញា ដើម្បីតាមចាប់ឃាត់ខ្លួនក្រុមយុវជនបង្កទាំងនោះ យកមកផ្តន្ទាទោសទៅតាមផ្លូវច្បាប់នៅពេលក្រោយជាបន្តទៀត៕ សម្រួលដោយ ទៀង បុណ្ណរី
