ឃាត់ខ្លួនបុរសម្នាក់ដែលបើករថយន្តបុកក្មេងប្រុសសិស្សសាលាស្លាប់ម្នាក់ និងរបួសធ្ងន់២នាក់

កំពង់ស្ពឺ : ក្មេងប្រុសម្នាក់បានស្លាប់ភ្លាមៗនៅនឹងកន្លែង ចំណែកពីរនាក់ទៀតរងរបួសធ្ងន់ បន្ទាប់ពីរថយន្តបុកជាមួយម៉ូតូ។ ហេតុការណ៍នេះកើតឡើងនៅត្រង់ចំណុចភូមិត្រពាំងស្លា ឃុំព្រះនិព្វាន ស្រុកគងពិសី ខេត្តកំពង់ស្ពឺ កាលពីថ្ងៃទី២ខែសីហាឆ្នាំ២០២៣ នៅតាមបណ្តោយផ្លូវលេខ១៣០។  នគរបាលមូលដ្ឋានបានឲ្យដឹងថា មុនកើតហេតុមានរថយន្តមួយគ្រឿងម៉ាក Car AIPhard សេរីឆ្នាំ ២០០៩ ពណ៌ខ្មៅពាក់ផ្លាកលេខភ្នំពេញ 2A.2558 បើកបរដោយឈ្មោះ ប្រាក់ តុលា ភេទប្រុស អាយុ២៧ឆ្នាំ រស់នៅភូមិត្រពាំងជ្រៃ ឃុំខ្លុងពពក ស្រុកទឹកផុស ខេត្តកំពង់ឆ្នាំង បើកបរស្របទិសគ្នាពីកើតទៅលិច មកដល់ចំណុចកើតហេតុខាងលើបានបុកពីរក្រោយម៉ូតូម៉ាក CLICK ពណ៌ សលាយក្រហមពាក់ផ្លាកលេខ ភ្នំពេញ 1IA.4849 បើកស្របទិសគ្នាបើកបរដោយឈ្មោះលី វុត្ថា ភេទប្រុសអាយុ ១២ឆ្នាំរស់នៅ ភូមិព្រៃខ្លា ឃុំ ព្រះនិពា្វនស្រុកគងពិសី (រងរបួសធ្ងន់កូនសិស្ស) ឌុបពីរនាក់។  ១.ឈ្មោះ សុខ ពន្លឺ ភេទ ប្រុស អាយុ ១២ ឆ្នាំ រស់នៅ ភូមិ ត្ររនាប ឃុំអង្គពពេល ស្រុកគងពិសី  (រងរបួសធ្ងន់បាក់ជើងខាងឆ្វេងកូនសិស្ស)  ២.ឈ្មោះ រិទ្ធិ សុវណ្ណរាជ ភេទ ប្រុស អាយុ ១៣ ឆ្នាំនៅភូមិព្រៃខ្លា ឃុំ ព្រះនិពា្វន ស្រុក គងពិសី (ស្លាប់នៅនឹងកន្លែងកើតហេតុកូនសិស្ស)  ប្រភពបានបន្តទៀតថាក្រោយកើតហេតុមន្ត្រីជំនាញបានហៅឪពុកម្តាយក្មេងរងរបួសធ្ងន់ឲ្យដឹកយកកូនៗទៅសង្គ្រោះនៅឯមន្ទីរពេទ្យរាជធានីភ្នំពេញ។  ចំណែកសពក្មេងរងគ្រោះ ប្រគល់ជូនឪពុកម្ដាយយកទៅធ្វើបុណ្យតាមប្រពៃណី  វត្ថុតាងទាំងពីរគ្រឿង បានយកមករក្សាទុកនៅ អធិការនគបាលស្រុកគងពិសី ចំណែកអ្នកបើកបររថយន្តឃាត់ខ្លួន យកមកអធិការដ្ឋានកសាងសំណុំរឿងចាត់ការតាមនិតិវិធី៕  សម្រួលដោយ  ទៀង  បុណ្ណរី