ញាក់សាច់! តារាចម្រៀងស្រីអាមេរិក Cardi B គ-ប់មីក្រូហ្វូនសងភ្លាមៗ ក្រោយអ្នកទស្សនាម្នាក់ បានធ្វើទង្វើនេះដាក់…
ថ្មីៗនេះ ចម្រៀងរ៉េប នាង Cardi B បានបង្ហាញខ្លួនក្នុងកម្មវិធីតន្រ្តីមួយ។ ប៉ុន្តែ ខណៈពេលដែលនាងកំពុងសម្តែងសុខៗ ស្រាប់តែទស្សនិកជនម្នាក់នៅខាងក្រោម ជះទឹកលើឆាក សំដៅទៅកាន់នាងតែម្តង។ ទោះជាយ៉ាងណា ភ្លាមៗនោះ នាង Cardi B បានផ្ទុះកំហឹងយកមីក្រូហ្វូននៅនឹងដៃ គប់តម្រង់ទៅកាន់ទស្សនិកជនដ៏ឈ្លើយនោះវិញ មិនទុកយូរនោះទេ។ សកម្មភាពរហ័សរហួនរបស់ Cardi B បានធ្វើអោយទស្សនិកជនដែលមានវត្ត មានមានការភ្ញាក់ផ្អើល ហើយវីដេអូនៃហេតុការណ៍នេះ កំពុងត្រូវបានរីករាលដាលយ៉ាងខ្លាំងនៅលើបណ្តាញសង្គម ខណៈមានការរិះគន់ចំពោះទង្វើរបស់ទស្សនិកជនស្រីម្នាក់នោះថា គ្មានសិលធម៌ មិនគោរពដល់សិល្បការិនីខាងលើ។ ក្រោយហេតុការណ៍នេះកើតឡើង គេក៏បានឃើញ អ្នកវាយប្រហារដោយការជះទឹកស្រីរូបនោះ ត្រូវបានសន្តិសុខហ៊ុំព័ទ្ធយ៉ាងលឿន ហើយពួកគេក៏បានអញ្ជើញ Cardi B ចេញពីលើឆាក។ ទោះជាយ៉ាងណា បន្ទាប់ពីស្ងប់ស្ងាត់មួយសន្ទុះ នាងក៏ត្រលប់មកឆាកសម្តែងធម្មតាវិញផងដែរ។គួរបញ្ជាក់ថា មិនមែនតែ Cardi B ទេ ជាអ្នកសិល្បៈចុងក្រោយគេ ដែលរងការវាយដំពីអ្នកគាំទ្រកណ្តាលការប្រគុំតន្ត្រី។ ប៉ុន្មានខែចុងក្រោយនេះ តារាចម្រៀងអាមេរិកនាង Bebe Rexha ក៏បន្សល់ទុកនូវស្នាមដេរ បន្ទាប់ពីត្រូវបានគេគប់១ទូរស័ព្ទចំផ្ទៃមុខ ខណៈនាង Kelsea Ballerini ក៏បានផ្អាកពីការប្រគុំតន្ត្រីមួយផងដែរ បន្ទាប់ពីនាងត្រូវបានគេវាយមួយខ្សែដៃត្រូវចំភ្នែក។ សម្រួលដោយ ទៀង បុណ្ណរី
