រថយន្តធំសណ្តោងរ៉ឺម៉ក បើកដាច់កង់ជ្រុលបុកតូបលក់អីវ៉ាន់ បាក់បែកខ្ទេចខ្ទី!

កំពង់ស្ពឺ៖ រថយន្តធំសណ្តោងរ៉ឺម៉ក ពេលកំពុងបើកបរ ស្រាប់តែដាច់កង់ក្រាយ ហើយកង់នោះ ជ្រុលទៅបុកតូបលក់អីវ៉ាន់ ធ្វើឱ្យបាក់បែកខ្ទេចខ្ទី តែមិនមានគ្រោះថ្នាក់ដល់មនុស្សទេ។ហេតុការណ៍នេះ បានកើតឡើងនៅផ្លូវលេខ៤ ត្រង់ភូមិស្នោរទី១ សង្កាត់រការធំ ក្រុងច្បារមន ខេត្តកំពង់ស្ពឺ កាលពីរសៀលថ្ងៃទី២៦ ខែកក្កដា ឆ្នាំ២០២៣ម្សិលមិញ។  សមត្ថកិច្ចបានឱ្យដឹងថាៈ នៅមុនកើតហេតុ មានរថយន្តធំសណ្ដោងរ៉ឺម៉ក ម៉ាកនីសាន់ ផ្លាកលេខចង្កូតស្តាំKPS-1681 បានបើកតាមផ្លូវជាតិលេខ៤ ក្នុងទិសដៅពីកើតទៅលិច.!។  លុះមកដល់កន្លែងខាងលើ បានដាច់កង់រ៉ឺម៉កខាងមុខ ហើយកង់នោះជ្រុលទៅបុកតូបលក់អីវ៉ាន់ ធ្វើឱ្យសម្ភារៈនិងតូបខូចខ្ទេចខ្ទី។  បុរសបើកបរឈ្មោះ សុន កុសល២៩ឆ្នាំ នៅភូមិក្រាំងតាវ៉ាយ ឃុំហោងសំណង់ ស្រុកឧរ៉ាល់ ខេត្តកំពង់ស្ពឺ។  រីឯម្ចាស់តូបឈ្មោះ ស៊ុន ប៊ុនធឿន អាយុ៤៩ឆ្នាំ នៅភូមិផ្សារសាមគ្គី សង្កាត់កណ្តោលដុំ ក្រុងច្បារមន ខេត្តកំពង់ស្ពឺ។  ករណីនេះ មិនមានគ្រោះថ្នាក់ដល់មនុស្សទេ៕  សម្រួលដោយ  ទៀង  បុណ្ណរី