ជនសង្ស័យ៤នាក់ ត្រូវបានឃាត់ខ្លួនក្នុងចំណោមបក្ខពួក៦នាក់ ករណីធាក់ប្លន់យកម៉ូតូ នៅស្រុកកៀនស្វាយ!

កណ្ដាល)៖ សមត្ថកិច្ចនគរបាល ខេត្តកណ្ដាលសហការជាមួយ ស្នងការនគរបាលរាជធានីភ្នំពេញ បានស្រាវជ្រាវឈានដល់ឃាត់ខ្លួន ជនសង្ស័យចំនួន៤នាក់ ខណៈ២នាក់ទៀត កំពុងរត់គេចខ្លួន.!។ បន្ទាប់ពីពួកគេជិៈម៉ូតូ២គ្រឿង មកធ្វើសកម្មភាព ធាក់ប្លន់យកម៉ូតូពីអ្នកលក់សាច់គោ…!។  ហេតុការណ៍នេះ បានកើតឡើង នៅលើផ្លូវក្រវ៉ាត់ក្រុងទី៣ ភូមិស្រែអំពិល២ ឃុំឈើទាល ស្រុកកៀនស្វាយ ខេត្តកណ្តាល នាល្ងាចថ្ងៃទី២០ ខែកក្តដា ឆ្នាំ២០២៣។  ជនរងគ្រោះឈ្មោះ ម៉ាន ម៉ាអាត ភេទប្រុស អាយុ៤៧ឆ្នាំ ជនជាតិ ខ្មែរឥស្លាម មុខរបរកសិករ មានទីលំនៅភូមិបារ៉ែនក្រោម ឃុំស្វាយប្រទាល ស្រុកស្អាង ខេត្តកណ្តាល ។  រីឯជនសង្ស័យទាំង០៦នាក់
១/ឈ្មោះ ជា ផាថាណា ហៅយ៉ាង ភេទប្រុសអាយុ២៤ឆ្នាំ ជនជាតិខ្មែរ ស្នាក់នៅបន្ទប់ជួល នៅសង្កាត់ដង្កោ ខណ្ឌដង្កោ ភ្នំពេញ មុខរបរពុំពិត (ឃាត់ខ្លួន) ។
២/ ឈ្មោះ ម៉ៅ ដារ៉ែន ហៅរ៉ូ ភេទប្រុសអាយុ១៩ឆ្នាំ ស្នាក់នៅផ្ទះជួលភូមិសំបុកចាបសង្កាត់ដង្កោ ខណ្ឌដង្កោ ភ្នំពេញ មុខរបរពុំពិត( ឃាត់ខ្លួន) ។
៣/ ឈ្មោះ ម៉េត ពេជ្រមន្នី ភេទប្រុស អាយុ២១ឆ្នាំ ជនជាតិខ្មែរ ស្នាក់នៅភូមិសំបុកចាប សង្កាត់ដង្កោ ខណ្ឌដង្កោ ភ្នំពេញ មុខរបរពុំពិត (ឃាត់ខ្លួន) ។
៤/ ឈ្មោះអែម ចាន់បញ្ញា ហៅណាន ភេទប្រុសអាយ២០ឆ្នាំ ជនជាតិខ្មែរ មានស្រុកកំណើតនៅភូមិព្រែកតាកាវ ឃុំសំរោងធំ ស្រុកកៀនស្វាយ ខេត្តកណ្តាល បច្ចុប្បន្នស្នាក់នៅផ្ទះជួលភូមិសំបុកចាប សង្កាត់ដង្កោ ខណ្ឌដង្កោ ភ្នំពេញ មុខរបរពុំពិត (ឃាត់ខ្លួន) ។
៥/ ឈ្មោះ ជ្រុយ ភេទប្រុស អាយុ២២ឆ្នាំ ជនជាតិខ្មែរ មានទីលំនៅភូមិសំបុកចាប សង្កាត់ដង្កោ ខណ្ឌដង្កោ ភ្នំពេញមុខរបរពុំពិត (គេចខ្លួន) ។
៦/ ឈ្មោះ សា ភេទប្រុស អាយុ២១ឆ្នាំ ជនជាតិខ្មែរ ស្នាក់នៅបន្ទប់ជួល ជិតផ្លូវជាតិលេខ៣ (គេចខ្លួន)។

សម្ភារៈបាត់បង់រួមមាន
ម៉ូតូ០១គ្រឿង ម៉ាកហុងដា សេ125 ផលិតឆ្នាំ២០២៣ ពណ័ខ្មៅ មានផ្លាកលេខកណ្ដាល1AR-7521 ។
វត្ថុចាប់ចាប់យក
១/ ម៉ូតូ០១គ្រឿងម៉ាកហុងដា សេ១២៥ ពណ៌ខ្មៅ ផលិតឆ្នាំ២០២២ ពាក់ផ្លាកលេខ ភ្នំពេញ 1JI-8826 ។
២/ ម៉ូតូ០១គ្រឿងទៀតម៉ាកហុងដា សេ១២៥ ពណ៌ខ្មៅ ផលិតឆ្នាំ២០២៣ ពាក់ផ្លាកលេខ ភ្នំពេញ 1JP-2064 ។
៣/ កាងដែកមុខម៉ូតូ ចំនួន០១ ។
៤/ រានដែកកណ្តាលម៉ូតូ ចំនួន០៣ ។
៥/ កន្ត្រកម៉ូតូពណ៌ខ្មៅ ចំនួន០១ ។
៦/ សោម៉ាឡេត ចំនួន០១ ។
៧/ សោមូលដោះខ្ចៅម៉ូតូ ចំនួន០៣ (លេខ១៤ ចំនួន០២, លេខ២២ ចំនួន០១ ) ។
៨/ កូនកាំបិតកាត់ក្រដាស ពណ៌ខៀវចំនួន០១ ។
៩/ ដាវកែច្នៃ ចំនួន០២ ។
១០/ កាំបិតចំនួន០៤ (កាំបិតផ្គាក់០១, ប័ុងតោចំនួន០២, កាំបិតកញ្ឆែតចំនួន០១) ។

សមត្ថកិច្ចបានឱ្យដឹងថាៈ នៅមុនកើតហេតុ ជនរងគ្រោះបានជិៈម៉ូតូមួយគ្រឿងម៉ាកហុងដាសេ125 ផលិតឆ្នាំ 2023 ពណ័ខ្មៅ ពាក់ផ្លាកលេខកណ្ដាល1AR-7521 ចេញពីភូមិបារ៉ែនក្រោម ឃុំស្វាយប្រទាល ស្រុកស្អាង ខេត្តកណ្តាល ។

ដើម្បីដឹកសាច់គោទៅ ឱ្យម៉ូយនៅផ្លូវជាតិលេខ១ ដោយជិៈតាមផ្លូវក្រវ៉ាត់ក្រុងទី៣ ពេលមកដល់ចំណុចកើតហេតុខាងលើ ក៏មានជនសង្ស័យជិៈម៉ូតូ០២គ្រឿងមានគ្នា០៥នាក់ ។

ដោយម៉ូតូមួយគ្រឿងម៉ាកហុងដាសេ១២៥ ពណ៌ខ្មៅ ផលិតឆ្នាំ២០២២ ពាក់ផ្លាកលេខ ភ្នំពេញ 1JI-8826 ជិះគ្នា០២នាក់ (មានឈ្មោះជា ផាថាណា ភេទប្រុស ជិៈពីក្រោយ, ឈ្មោះ ជ្រុយ ភេទប្រុស អ្នកបើកម៉ូតូ) និងមួយគ្រឿងទៀតម៉ាកហុងដាសេ១២៥ ពណ៌ខ្មៅ ផលិតឆ្នាំ២០២៣ ពាក់ផ្លាកលេខ ភ្នំពេញ 1JP-2064 ជិះគ្នា០៣នាក់ (មានឈ្មោះអែម ចាន់បញ្ញា ហៅណាន ភេទប្រុស ជិៈខាងក្រោយ។
ឈ្មោះមៅ ដារ៉ែន ហៅរ៉ូ ភេទប្រុស ជិៈខាងក្រោយ, ឈ្មោះ សា ភេទប្រុស អ្នកបើកម៉ូតូ) ។

ពេលជិៈមកដល់កន្លែងកើតហេតុភូមិស្រែអំពិល ឃុំឈើទាល ស្រុកកៀនស្វាយ ខេត្តកណ្តាល ម៉ូតូជិះគ្នា០២នាក់ ។
ដោយឈ្មោះ ជ្រុយ ភេទប្រុស បានធាក់ម៉ូតូរបស់ជនរងគ្រោះ បណ្ដាលឲ្យដួលទៅនិងថ្នល់របួសធ្ងន់ ត្រូវចំក្បាល ។

បន្ទាប់មកម៉ូតូជិៈគ្នា០៣នាក់បានជិៈមកពីក្រោយ ក៏ឈប់រួចឈ្មោះ សា ភេទប្រុស ។
ក៏បានចុះពីលើម៉ូតូរបសល់ខ្លួនទៅលើកម៉ូតូជនរងគ្រោះជិះចេញទៅតាមផ្លូវក្រវ៉ាត់ទី៣ ទាំង០៣ម៉ូតូ ឆ្ពោះមកផ្លូវជាតិលេខ១ ឡើងទៅភ្នំពេញ ។

ភ្លាមនោះមានប្រជាពលរដ្ឋបានទូរស័ព្ទប្រាប់នគរបាលប៉ុស្តិ៍ឈើទាល ហើយកម្លាំងប៉ុស្តិ៍ឈើទាល កម្លាំងនគរបាលអន្តរាគមន៍ស្រុកកៀនស្វាយ និងកម្លាំងនិងប៉ុស្តិ៍កំពង់ស្វាយ ។

ដេញតាមពីក្រោយមកដល់ផ្លូវ២៧១ ខណ្ឌមានជ័យ ក៏បានឃាត់ខ្លួនជនសង្ស័យបាន០១នាក់ ឈ្មោះ ជា ផាថាណា ហៅយ៉ាង ភេទប្រុស យកមកសាកសួរ ។
ក្រោយពីសាកសួររួចជនសង្ស័យឈ្មោះជា ផាថាណា ហៅយ៉ាង ភេទប្រុស បានសារភាពថាៈ ខ្លួននិងបក្សពួក០៤នាក់ទៀតស្នាក់នៅសង្កាត់ដង្កោ ខណ្ឌដង្កោ ពិតជាបានមកធ្វើសកម្មភាពធាក់យកម៉ូតូជនរងគ្រោះនៅស្រុកកៀនស្វាយមែន ។

ក្រោយពីសួរនាំរួចកម្លាំងអន្តរាគមន៍ស្រុក កម្លាំងប៉ុស្តិ៍ឈើទាលនិងកំពង់ស្វាយ បានបន្តនីតិវិធីចុះទៅសហការជាមួយសង្កាត់ដង្កោ ខណ្ឌដង្កោ រាជធានីភ្នំពេញ ។

ចុះទៅស្រាវជ្រាវ ឃាត់ខ្លួនបានជនសង្ស័យបានចំនួន០៣នាក់ទៀតយកមកសាកសួរដោយ÷
+ឈ្មោះអែម បញ្ញា ហៅណាន ភេទប្រុសបានសារភាពថាខ្លួននិងបក្សពួក០៤នាក់ ធ្លាប់ធ្វើសកម្មភាពចំនួន០៦លើក។

-លើកទី១: ថ្ងៃមិនចាំ/០៦/២០២៣ វេលាម៉ោង០៤.០០នាទី ទាបភ្លឺ រួមបក្សពួក០៤នាក់ ធ្វើសកម្មភាពនៅកប់ស្រូវ ខណ្ឌកំបូល ភ្នំពេញ ចំនួន០២លើក បានសម្រេច០១លើក សង់២០២២ វេលាម៉ោង០៤.០០នាទី ទាបភ្លឺ លក់បានប្រាក់៤៥០$ ។
-លើកទី២: ថ្ងៃទី០១/០៧/២០២៣ វេលាម៉ោង០៤.០០នាទី ទាបភ្លឺ រួមបក្សពួក០៤នាក់ ធ្វើសកម្មភាពនៅទំនប់កប់ស្រូវ ខណ្ឌកំបូល ភ្នំពេញ មិនបានសម្រេច ។
-លើកទី៣: ថ្ងៃទី០៥/០៧/២០២៣ វេលាម៉ោង០៤.០០នាទី ទាបភ្លឺ រួមបក្សពួក០៤នាក់ ធ្វើសកម្មភាពនៅស្រុកកណ្តាលស្ទឹង ខេត្តកណ្តាល មិនបានសម្រេច ។
-លើកទី៤: ថ្ងៃមិនចាំ/០៦/២០២៣ វេលាម៉ោង០៤.០០នាទី ទាបភ្លឺ រួមបក្សពួក០៤នាក់ ធ្វើសកម្មភាពនៅម្តុំវត្តស្រែអំពិល ឃុំឈើទាល ស្រុកកៀនស្វាយ មិនបានសម្រេច ។
-លើកទី៥: ថ្ងៃទី១៨/០៧/២០២៣ វេលាម៉ោង០១.០០នាទី យប់ រួមបក្សពួក០៤នាក់ ធ្វើសកម្មភាពនៅសង្កាត់ស្ទឹងមានជ័យ ខណ្ឌមានជ័យ ភ្នំពេញ យកបានសម្រេចសង់២០២២ ពណ៌ក្រហម លក់បានប្រាក់៤០០$ ។
-លើកទី៦: ថ្ងៃទី២០/០៧/២០២៣ វេលាម៉ោង០៥.៣០នាទី ទាបភ្លឺ រួមបក្សពួក០៤នាក់ ធ្វើសកម្មភាពនៅភូមិស្រែអំពិល២ ឃុំឈើទាលស្រុកកៀនស្វាយ បានសម្រេចដោយឈ្មោះ សា ភេទប្រុស ជិះសំដៅទៅផ្លូវជាតិលេខ៣ ។
+ឈ្មោះម៉ៅ ដារ៉ែន ហៅរ៉ូ ភេទប្រុសបានសារភាពថាខ្លួននិងបក្សពួក០៤នាក់ទៀត មកធ្វើសកម្មភាពបាន០១លើកថ្ងៃទី២០/០៧/២០២៣ វេលាម៉ោង០៥.៣០នាទី ទាបភ្លឺ រួមបក្សពួក០៤នាក់ ធ្វើសកម្មភាពនៅភូមិស្រែអំពិល២ ឃុំឈើទាលស្រុកកៀនស្វាយ បានសម្រេចដោយឈ្មោះ សា ភេទប្រុស ជិះសំដៅទៅផ្លូវជាតិលេខ៣ ។
+ឈ្មោះ ម៉េត ពេជ្រមន្នី ភេទប្រុស បានសារភាពថាខ្លួនមិនដែលធ្លាប់ប្រព្រឹត្តបទល្មើសទេ ប៉ុន្តែបានជួលផ្ទះឲ្យក្រុមជនសង្ស័យស្នាក់នៅដើម្បីធ្វសកម្មភាព ។

រីឯឈ្មោះ ជ្រុយ ភេទប្រុស និងឈ្មោះ សា ភេទប្រុស បានរត់គេចខ្លួន ។
បច្ចុប្បន្នៈ ជនសង្ស័យទាំង០៤នាក់ រួមទាំងវត្ថុតាង បានឃាត់ខ្លួនបណ្តោះអាសន្ននៅអធិការដ្ឋាននគរបាលស្រុកកៀនស្វាយ ដើម្បកសាងសំណុំរឿងតាមនីតិវិធីច្បាប់ ចំណែកជនសង្ស័យ០២នាក់ទៀតរត់គេចខ្លួនកម្លាំងជំនាញនឹងស្រាវជ្រាវតាមចាប់បន្តរទៀត៕  សម្រួលដោយ  ទៀង  បុណ្ណរី