រថយន្តឡង់គីស័របុករថយន្តដឹកសិស្សរបួសធ្ងន់ស្រាល៥នាក់

សិស្សសាលា៥នាក់បានរងរបួស ក្នុងនោះម្នាក់របួសធ្ងន់នៅក្នុងករណីគ្រោះថ្នាក់ចរាចរណ៍រថយន្តឡង់គី្រស័រពាក់ផ្លាក ខេមរៈភូមិន្ទ បុករថយន្តសាំយ៉ុងដឹកសិស្សសាលាបត់ឆ្វេងមិនប្រុងប្រយ័ត្ន។ហេតុការណ៍ខាងលើនេះបានកើតឡើងនៅវេលាម៉ោង១១និង០០នាទី ព្រឹកថ្ងៃទី២៩ ខែឧសភា ឆ្នាំ២០២៣ នៅចំណុចទំនាបអំពិល លើផ្លូវជាតិលេខ៥ ចន្លោះបង្គោលគីឡូម៉ែត្រលេខ ៥៧- ៥៨ ក្នុងភូមិព្រៃពិស ឃុំច្រេស ស្រុកកំពង់ត្រឡាច។  យោងតាមរបាយការណ៍របស់លោកវីរៈសេនីយ៍ឯក នន ស៊ីណាត អធិការ នៃអធិការដ្ឋាននគរបាលស្រុកកំពង់ត្រឡាចបានឲ្យដឹងថា មុនពេលកើតហេតុរថយន្តម៉ាកសាំយ៉ុង ពណ៌ស ពាក់ផ្លាកលេខភ្នំពេញ 2AW -1849 អ្នកបើកបរឈ្មោះ សែន អានីន ភេទប្រុស អាយុ៦៣ឆ្នាំ ជនជាតិខ្មែរ(ឃាត់ខ្លួន) រស់នៅភូមិច្រករមៀត ឃុំឈូកស ស្រុកកំពង់ត្រឡាច ខេត្តកំពង់ឆ្នាំង ដឹកសិស្សចំនួន០៤នាក់ស្រី០១នាក់ បើកបរតាមបណ្ដោយផ្លូវជាតិលេខ៥ ក្នុងទិសពីជើងទៅត្បូង។ របាយការណ៍​បញ្ជាក់ថា លុះមកដល់ចំណុចខាងលើបានបត់ឆ្វេង (ប្ដូងទិសផ្លូវមិនប្រុងប្រយ័ត្ន) ក៏បុកជាមួយរថយន្តម៉ាកឡង់​គ្រីស័រ ពណ៌ស ពាក់ផ្លាកលេខ ខេមរៈភូមិន្ទ 02-27778 អ្នកបើកបរឈ្មោះ អៀង ណារា ភេទប្រុស អាយុ២៨ឆ្នាំជនជាតិខ្មែរ រស់នៅភូមិឃួច ឃុំក្រោលគោ ស្រុកស្វាយជ្រុំ ខេត្តស្វាយរៀង បើកបរពីទិសខាងត្បូងឆ្ពោះទៅទិសខាងជើង ក្នុងដំណើរខ្វែងទើសគ្នា ។ ក្នុងករណីគ្រោះថ្នាក់ចរាចរណ៍នេះបណ្ដាលឲ្យរងរបួសមនុស្ស០៥នាក់ ស្រី០១នាក់ ក្នុងនោះរបួសធ្ងន់០២នាក់​ប្រុស និងខូចរថយន្ត០២គ្រឿងធ្ងន់ និងខូចរនាំងដែកសុវត្ថិភាពផ្លូវថ្នល់ប្រវែង០៦ម៉ែត្រ។  លោកអធិការនគរបាលស្រុកបានឲ្យដឹងទៀតថា ក្រោយពេលកើតហេតុ អ្នករងរបួសត្រូវក្រុមគ្រួសារបានបញ្ជូនទៅព្យា​បាល​នៅមន្ទីរពេទ្យបង្អែកកំពង់ត្រឡាច។ ចំណែករថយន្តទាំងពីរគ្រឿងត្រូវសមត្ថកិច្ចយកមករក្សាទុកនៅអធិការដ្ឋាននគរបាលស្រុកកំពង់ឡាច។ ចំណែកអ្នកបើកបររថយន្តសាំយ៉ុងដឹកសិស្ស ត្រូវបានសមត្ថកិច្ចឃាត់ខ្លួនកសាងសំណុំរឿងតាមនីតិវិធីច្បាប់។  ការសន្និដ្ឋានបឋមរបស់សមត្ថកិច្ច អ្នកបើកបររថយន្តសាំយ៉ុងដឹកសិស្សសាលាពាក់ផ្លាកលេខភ្នំពេ ញ2AW-2849 បើកបរប្ដូរទិសផ្លូវមិនប្រុងប្រយ័ត្នកាត់មុខរថយន្តឡង់គ្រីស័រដែលមកពីទិសបញ្ច្រាស់គ្នា។ ចំណែកអ្នកបើកបររថយន្តពាក់ផ្លាកលេខខេមរភូមិន្ទ02-02-7778 បើកបរត្រឹមត្រូវនៅក្នុងគន្លងផ្លូវរបស់ខ្លួន៕   សម្រួលដោយ  ទៀង  បុណ្ណរី