តម្លៃប្រេងកើនឡើង២០០រៀល ចាប់ពីថ្ងៃនេះដល់ចុងខែមករា
ភ្នំពេញ៖ តម្លៃប្រេងសាំង និងម៉ាស៊ូតនៅកម្ពុជា បានកើនឡើង ២០០រៀលក្នុងមួយលីត្រ ។ បើយោងតាមសេចក្តីជូនដំណឹងរបស់ក្រសួងពាណិជ្ជកម្ម បានឱ្យដឹងនៅថ្ងៃទី២១ ខែមករា ឆ្នាំ២០២៣នេះ។ ចាប់ពីថ្ងៃទី២១ ដល់ថ្ងៃទី៣១ ខែមករា ឆ្នាំ២០២៣ ថ្លៃលក់រាយប្រេងឥន្ធនៈ គឺ៤៤០០រៀល ក្នុងមួយលីត្រ សម្រាប់សាំងធម្មតា និង៤៦០០រៀលក្នុងមួយលីត្រសម្រាប់ប្រេងម៉ាស៊ូត។ បើធៀបនឹងថ្ងៃទី២០ ខែមករា កន្លងទៅ តម្លៃលក់រាយប្រេងឥន្ធនៈបានកើនឡើងពី៤២០០រៀល មក៤៤០០រៀល ក្នុងមួយលីត្រ សម្រាប់សាំងធម្មតា។ ចំណែកប្រេងម៉ាស៊ូត កើនពី៤៤០០ មក៤៦០០រៀល ក្នុងមួយលីត្រ ។ គួរបញ្ជាក់ថា ការកំណត់តម្លៃប្រេងនេះ គឺផ្អែកទៅលើទីផ្សារអន្តរជាតិប៉ុន្តែដើម្បីជួយសម្រួលដល់ជីវភាពរបស់ប្រជាពលរដ្ឋប្រមុខដឹកនាំរាជរដ្ឋាភិបាលកម្ពុជា សម្តេចតេជោ ហ៊ុន សែន នាយករដ្ឋមន្ត្រី បានសម្រេចបញ្ចុះតម្លៃលក់រាយប្រេងឥន្ទនៈនេះចំនួន៦,៥ សេនដុល្លារ ក្នុងមួយលីត្ររួចទៅហើយ៕ សម្រួលដោយ ទៀង បុណ្ណរី
