បុរសម្នាក់បើករថយន្តCamryបាឡែនរេចង្កូតធ្លាក់ផ្លូវ ក្រឡាប់បះជើងឡើងលើ!

កណ្តាល៖ ហេតុការណ៍នេះបានកើតឡើង កាលពីវេលាម៉ោង០៨និង០០នាទីព្រឹក ថ្ងៃទី០៧ ខែធ្នូ ឆ្នាំ២០២២ ស្ថិតក្នុងភូមិព្រែកហូរខាងលិច១ សង្កាត់ព្រែកហូរ ក្រុងតាខ្មៅ ខេត្តកណ្ដាល ។ រថយន្តបង្កម៉ាកតូយ៉ូតា កាមរី បាឡែន មួយគ្រឿង ពាក់ស្លាកលេខកណ្តាល 2A-7028 ពណ៌ទឹកប្រាក់ បើកបរយ៉ាងលឿនក៏រេចង្កូត ធ្លាក់ផ្លូវជ្រុលទៅបុករបងនៅកន្លែងកើតហេតុ បណ្ដាលឲ្យក្រឡាប់ជាច្រើនត្រឡប់ផ្ងារជើងឡើងលើ។ មុនពេលកើតហេតុគេឃើញរថយន្តកាមរីបាឡែន មួយគ្រឿង បើកបរដោយបុរសម្នាក់ ។ ធ្វើដំណើរតាមបណ្តោយទិសដៅពីជើងទៅត្បូង ដោយបើកបរក្នុងល្បឿនលឿន ។ លុះមកដល់ត្រង់ចំណុចកើតហេតុ ស្រាប់តែរេចង្កូតជ្រុលធ្លាក់ផ្លូវ ក្រឡាប់ផ្ងារជើងជាច្រើនត្រឡប់ ទៅបុកផ្ទប់របងមួយកន្លែង​ បណ្តាលឲ្យរងការខូចខាតយ៉ាងដំណំ ។ ក្នុងហេតុការណ៍នេះ ពុំមានមនុស្សគ្រោះថ្នាក់នោះទេ។ក្រោយពេលកើតហេតុ កម្លាំងសមត្ថកិច្ចជំនាញចរាចរណ៍ផ្លូវគោក នៅក្នុងមូលដ្ឋានបានចុះមកអន្តរាគមន៍ភ្លាមៗ។  បន្ទាប់មកសមត្ថកិច្ចបានឲ្យភាគីបង្កខាងលើដោះស្រាយជាមួយម្ចាស់របង ឲ្យបានរួចរាល់ជាមុនសិន ទើបបានឲ្យ ម្ចាស់ស្ទូចរថយន្តយកទៅជួសជុលដោយខ្លួនឯង ៕ សម្រួលដោយ ទៀង បុណ្ណរី