ក្រុមការងារថ្នាក់ជាតិចុះជួយស្រុកថ្ពង ខេត្តកំពង់ស្ពឺ បន្តរៀបចំវេទិកាសាធារណៈ ដើម្បីទទួលយក និងដោះស្រាយនូវបញ្ហា និងសំណូមពររបស់បងប្អូនប្រជាពលរដ្ឋក្នុងមូលដ្ឋាន

មន្ត្រីមកពីក្រសួងស្ថាប័នថ្នាក់ជាតិ រួមជាមួយមន្ត្រីជំនាញនៅថ្នាក់ក្រោមជាតិក្នុងស្រុកថ្ពង ខេត្តកំពង់ស្ពឺ ក្នុងក្រុមការងាររាជរដ្ឋាភិបាលចុះមូលដ្ឋានស្រុកថ្ពង បានរៀបចំវេទិកាសាធារណៈ​ប្រចំាខែរបស់ខ្លួន​កាលពីថ្ងៃទី ២៧ ខែកក្កដា ឆ្នំា ២០២២ ដើម្បីទទួលយក និងដោះស្រាយនូវបញ្ហា និងសំណូមពររបស់បង ប្អូនប្រជាពលរដ្ឋក្នុងមូលដ្ឋាន រួមចំណែកដល់ការគំាទ្រការ អនុវត្តកម្មវិធីនយោបាយ និងយុទ្ធសាស្ត្រ​ចតុកោណដំណាក់កាលទី ៤ របស់រាជរដ្ឋាភិបាល ។វេទិកានេះបានប្រព្រឹត្តទៅក្នុងវត្តសុវណ្ណារាម ឃុំអមលាំង ស្រុកថ្ពង ខេត្តកំពង់ស្ពឺ និងដឹកនំាដោយ ឯកឧត្តម កុយ ពុំ អនុរដ្ឋលេខាធិការក្រសួងប្រៃសនីយ៍ និងទូរគមនាគន៍ មានប្រជាពលរដ្ឋ១៧៧ នាក់ ក្នុងនោះមានស្ត្រីចំនួន ១០៤ នាក់ បានចូលរួម ។ក្នុងឱកាសនោះ បងប្អូនប្រជាពលក្នុងភូមិមួយចំនួនក្នុងឃុំអមលាំង ដូចជាភូមិព្រែក ភូមិស្នួល ភូមិច្រកឫស្សី ភូមិក្រំាងដូង បានស្នើសុំឱ្យអាជ្ញាធរជួយជួស ជុលកែលម្អផ្លូវក្នុងភូមិរបស់លោក ខណៈលោកមេឃុំដែលទើបចូលកាន់តំណែងថ្មីបន្ទាប់ពីប្រជាពលរដ្ឋបានបោះ ឆ្នោតជូន ក្នុងការបោះឆ្នោតឃុំសង្កាត់កាលពីថ្ងៃទី ៥ ខែ មិថុនា ឆ្នំា ២០២២។អាជ្ញាធរឃុំនឹងចាប់ផ្តើមយកមូលនិធិអភិវឌ្ឍន៍ឃុំសង្កាត់ដែលរាជ រដ្ឋាភិបាលបានប្រគល់មកឃុំ មកជួសជុលកែលម្អផ្លូវក្នុងឃុំ សម្រួលការធ្វើដំណើរ និងដឹកកសិផលរបស់បងប្អូន ។ ក្នុងវេទិកានោះដែរ ឯកឧត្តម ចាន់ ហ៊ុង អនុរដ្ឋលេខាធិការក្រសួងពាណិជ្ជកម្ម បានឆ្លើយ តបចំពោះកង្វល់ពីតម្លៃប្រេង ដោយឯកឧត្តម បានជម្រាបថា បញ្ហាតម្លៃប្រេង គឺជាបញ្ហាជាសកល បង្កឡើងដោយសង្គ្រាមរវាងប្រទេសរុស្សី និងអ៊ុយក្រែន ហើយការឡើងថ្លៃប្រេងនេះ បានបង្ហាញឱ្យឃើញច្បាស់ថា សន្តិភាពមានគុណតម្លៃណាស់ បើប្រទេសមានសន្តិភាព អ្វី ៗ នឹងមិនឡើងថ្លៃទេ ។ ឯកឧត្តមបានបញ្ជាក់ថា ក្នុងបញ្ហាតម្លៃប្រេងនេះ រាជរដ្ឋា ភិបាលដែលមានសម្តេចអគ្គមហាសេនាបតីតេជោ ហ៊ុន សែន ជាប្រមុខ បានខិតខំទប់តម្លៃប្រេង ដោយការប្រើប្រាស់ថវិកាបដិភាគ ។ ឯកឧត្តម កុយ ពុំ អនុរដ្ឋលេខាធិការក្រសួងប្រៃសនីយ៍ និងទូរគមនាគន៍ និងជាអនុប្រធានក្រុមការងារបានរំលឹកបងប្អូនប្រជាពលរដ្ឋពីសារសំខាន់នៃវេទិកាសាធារ ណៈ ដែលមន្ត្រីគ្រប់លំដាប់ ថ្នាក់ បានជួបបងប្អូនប្រជា ពលរដ្ឋ និងស្តាប់បញ្ហាក្នុងមូលដ្ឋានដោយផ្ទាល់ ។ ឯកឧត្តម បានអំពាវនាវឱ្យបងប្អូននំាគ្នាទៅចុះឈ្មោះបោះ ឆ្នោតជ្រើសរើសសភាដែលនឹងប្រព្រឹត្តទៅនៅថ្ងៃទី ២៣ ខែ កក្កដា ឆ្នំា ២០២៣ ខាង មុខនេះឱ្យបានគ្រប់ៗ គ្នា ៕សម្រួលដោយ ទៀង បុណ្ណរី