ប្រេងសាំងឡើងថ្លៃបន្តិចវិញ ពីថ្ងៃនេះដល់ដាច់ខែមេសាតម្លៃ ៥១៥០រៀល ខណៈម៉ាស៊ូ ៥៥០០រៀល
តម្លៃប្រេងឥន្ធនៈបានឡើងថ្លៃបន្តិចវិញហើយ នៅថ្ងៃនេះ ពោលគឺប្រេងសាំងធម្មតា ១លីត្រ តម្លៃ ៥ ១៥០រៀល និងប្រេងម៉ាស៊ូត ១លីត្រ តម្លៃ ៥ ៥០០រៀល ដោយតម្លៃនេះ អនុវត្តចាប់ពីថ្ងៃទី ២១-៣១ ខែមេសា ឆ្នាំ ២០២២។ នេះបើតាមសេចក្តីប្រកាសរបស់ក្រសួងពាណិជ្ជកម្មនៅថ្ងៃនេះ។
សូមបញ្ជាក់ថា ចាប់ពីថ្ងៃទី ១០-២០ ខែមេសា ប្រេងសាំងធម្មតាលក់ក្នុងតម្លៃ ១លីត្រ ៥០៥០រៀល ខណៈម៉ាស៊ូត ៥១០០រៀល។ តម្លៃ នឹងមានការប្រកាសជាថ្មី រៀងរាល់១០ថ្ងៃម្តង៕
