វី វរ ហើយ គម្រោងបុរី VIP លេងបួនសន្លឹក មើលទៅបោកសុទ្ធ សន្យាអោយថ្លៃ មួយថ្ងៃៗគេចរហូត ចង់របូតកាឡេហើយ នៅមិនទាន់ដោះស្រាយរាល់អតិថិជនបង់លុយហើយអត់ផ្ទះនៅ អូម៉ាយហ្គត់

វី វរ ហើយ គម្រោងបុរី VIP លេងបួនសន្លឹក មើលទៅបោកសុទ្ធ សន្យាអោយថ្លៃ មួយថ្ងៃៗគេចរហូត ចង់របូតកាឡេហើយ នៅមិនទាន់ដោះស្រាយរាល់អតិថិជនបង់លុយហើយអត់ផ្ទះនៅ អូម៉ាយហ្គត់

អតិថិជនម្នាក់របស់បុរីVIP បានមកដល់ការិយាល័យTNM ហើយបានយកឯកសាជាច្រើនពាក់ព័ន្ធនិងការទិញលក់សាងសងជាមួយនិងកិច្ចសន្យាច្រើនលើកច្រើនសាររបស់ម្ចាស់បុរី។

កាលពីថ្ងៃទី៣ ខែសីហា ឆ្នាំ២០១៩ លោក អែម ធីតា បានចុះកិច្ចសន្យាទិញផ្ទះនិងដីក្នុងតម្លៃ៤៤៥០០ដុល្លារជាមួយការបង់រំលួស រហូតដល់ថ្ងៃកំណត់យកផ្ទះ អត់ផ្ទះអោយ ក៏សូមសន្យាម៉ាសាហើយម៉ាសាទៀត រាប់ចង់ភ្លេច អស់ច្រើនខែឆ្នាំកន្លងផុតទៅ រហូតដល់ថ្ងៃទី០៩ កក្កដា ឆ្នាំ២០២១ ម្ចាស់បុរីVIP ដែលមានឈ្មោះក្រុមហ៊ុន RN VIP REAL EASTATE គឺលោក វន វណ្ណៈ បានព្រៀងកិច្ចសន្យាមួយទៀតដើម្បីធានាដល់អតិថិជនថា សន្យានិងធ្វើការសាងសង់ និងប្រគល់ដី.ផ្ទះ ជូនលោក អែម ធីតា អោយរួចរាល់ត្រឹមថ្ងៃទី៣១ ខែ១២ ឆ្នាំ២០២១ ។ ក្នុងករណីដល់រយៈពេលកំណត់ ក្រុមហ៊ុននៅតែមិនប្រគល់ដី.ផ្ទះជូន នោះក្រុមហ៊ុនព្រមទូទាត់ប្រាក់ដើមនិងការប្រាក់ដែលបង់រួច មួយគុណនិងពីរ។ រហូតមកដល់ពេលនេះ ម្ចាស់គម្រោងបុរីVIP មិនអនុវត្តតាមការធានា
អះអាងដែលមានទាំងមេធាវីរបស់ក្រុមហ៊ុនទៀត ហើយគេចវេស មិនទទួលការខុសត្រូវទៀត។
លោក អែម ធីតា សុំសំណូមពរដល់សាលាក្រុងរាជធានីភ្នំពេញមេត្តាជួយរកដំណោះស្រាយជូនគាត់ក៏ដូចប្រជាពលរដ្ឋមួយចំនួនធំទៀតដែលរងគ្រោះប្រហាក់ប្រហែលគ្នានេះ។

ជុំវិញព័ត៌មានខាងលើនេះ មិនអាចសុំការបំភ្លឺពីលោក វន វណ្ណៈ បានទេ ព្រោះទូរស័ព្ទចូលហើយមិនលើក អង្គភាពសារព័ត៌មាន TNM រងចាំការបំភ្លឺរាល់ម៉ោងធ្វើការ ។សម្រួលដោយ ទៀង បុណ្ណរី